Iqtisodiyot, banklar

Қимматли қоғозлар эгаларининг диққатига!

Ўзбекистон Республикасининг "Қимматли қоғозлар бозори тўғрисида"ги қонунига мувофиқ ҳужжатли (нақд) акциялар ва корпоратив облигациялар депозитарийга топширилиши (ҳаракатсизлантирилиши) ва ҳужжатсиз шаклга ўтказилиши керак.

Ҳужжатли акциялар ва корпоратив облигациялар билан битимлар фақат улар депозитарийга топширилганидан кейингина амалга оширилади.

Депозитарийлар томонидан ҳужжатли қимматли қоғозларни қабул қилиш бепул амалга оширилади. Агар қимматли қоғозлар эгасининг депозитарийда ҳисоб варағи мавжуд бўлмаса, у ўзининг ҳоҳишига кўра исталган депозитарий билан шартнома тузиши ва ҳисоб-варағи очиши керак.

Қимматли қоғозлар эгаси мустақил равишда депозитар шартнома тузишга ва қимматли қоғозларни депозитарийга топширишга ёки бунинг учун ўзининг вакилига ваколат беришга ҳақли.

Ҳужжатли қимматли қоғозларга эгалик қилишдан келиб чиқувчи барча ҳуқуқлар тўла ҳажмда унинг эгасида сақланиб қолади.

Ҳужжатли қимматли қоғозларни ҳаракатсизлантириш ва уларни ҳужжатсиз шаклга ўтказишдаги ҳуқуқларнинг бузилишлари билан боғлиқ барча масалалар бўйича Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш марказига мурожаат этишингизни сўраймиз:

Манзил: 100047, Ўзбекистон, Тошкент ш., Бухоро кўчаси - 10,

алоқа телефонлари: (8-3712) 236-06-35, 232-07-36, 236-78-46

электрон почта: infо@csm.gоv.uz

МОЛИЯВИЙ БАРҚАРОРЛИК ШАРТЛАРИ

Бугунги кунда Республикамизда қимматли қоғозлар бозорини янада ривожлантириш мақсадида кенг миқёсда муҳим ислоҳотлар амалга оширилмоқда. Жумладан ўтган йили қабул қилинган «Қимматли қоғозлар бозори тўғрисида» ги қонун, «Акциядорлик жамияти ва акциядорлар ҳуқуқларини ҳимоя қилиш тўғрисида»ги қонунга киритилган ўзгартириш ва қўшимчалар ҳамда Президентимизнинг «Иқтисодиёт реал сектори корхоналарининг молиявий барқарорлигини янада ошириш чора-тадбирлари тўғрисида»ги Фармони қимматли қоғозлар бозорини янада ривожланишида муҳим омил бўлиб хизмат қилмоқда. Айниқса, иқтисодиёт реал сектори корхоналарининг капиталлашув даражасини янада ошириш ва молиявий барқарорлигини мустаҳкамлаш, иқтисодий ночор корхоналарни молиявий соғломлаштириш ва бошқариш механизмларини такомиллаштириш, иқтисодиётни таркибий ўзгартириш, ишлаб чиқаришни модернизациялаш, техник ва технологик қайта жиҳозлаш жараёнига инвестицияларни, шу жумладан, тижорат банкларининг маблағларини кенг жалб этишда ушбу Фармон  муҳим аҳамият касб этади.

Фармонга кўра Республикамиз ҳудудидаги барча акциядорлик жамиятлари ўз устав фондларини 2010 йилнинг 1 - январигача Марказий банк курси бўйича 400,0 минг АҚШ доллари эквивалентига етказишлари ёки хусусий мулкчиликнинг бошқа ташкилий-ҳуқуқий шаклига ўтишни таъминлашлари лозимлиги белгиланган.

Дунёда иқтисодий инқироз ҳукм сураётган ҳозирги пайтда корхонани молиявий маблағларга давомий тарзда эга бўлиши ниҳоятда аҳамиятлидир. Маълумки корхонага четдан айланма маблағлар жалб қилиш бугунги кун амалиётида уч хил йўл билан - банк кредити ёки бошқа молиявий қарзлар ҳисобига; облигацияларни жойлаштириш ҳисобига; акцияларни жойлаштириш ҳисобига амалга оширилмоқда.

Юқорида келтирилган 1- ва 2-усулда қарз олувчи жамият айланма маблағга эга бўлиши билан бирга маблағларни белгиланган муддатларда қайтариш ҳамда улар юзасидан фоизларни тўлаш мажбуриятини ҳам ўз зиммасига олади.

Аммо корхонага маблағ жалб қилишнинг 3-усули энг самарали усул бўлиб, улар юзасидан корхона қарзларни қайтариш ёки фоизларни тўлаш каби мажбуриятларни ўз зиммасига олмайди. Акцияларни жойлаштириш ҳисобига айланма маблағини шакллантирган акциядорлик жамияти жалб қилинган маблағлардан жамият акциядорлари қарори ва назорати остида фойдаланади.

Акциядорлик жамияти устав фондини ошириш қуйидаги икки усул билан амалга оширилади:

*Жамият устав фондини акциялар номинал қийматини ошириш йўли билан кўпайтириш усули. Бунда устав фондини ошириш жамият олдинги давр хўжалик фаолияти якунлари бўйича тақсимланмаган фойдани капиталлаштириш ҳисобига амалга оширилади.

* Қўшимча акцияларни жойлаштириш усули.

Бу усул амалиётда кенг тарқалган усул бўлиб бунда жамият ўз уставида белгилаган эълон қилинган акциялар сони доирасида қўшимча акцияларни жойлаштиради.

Бугунги кунга келиб вилоятда жойлашган 90 та акциядорлик жамиятида Республика Президентининг 4053-Фармони талабларини бажарилиши юзасидан акциядорларнинг умумий йиғилишлари ўтказилди.

Шундан 44 та акциядорлик жамиятида устав фондларини Фармонда  белгиланган меъёрга етказишга қарор қилинди.

Устав фондини оширишга қарор қилган жамиятлардан 12 таси - «Бағдод экспериментал-тажриба пахта тозалаш заводи», «Қува пахтани қайта ишлаш», «Риштон пахта тозалаш корхонаси», «Ўзбекистон пахта тозалаш заводи», «Бешариқ пахта тозалаш заводи», «Қўқон 2-пахта тозалаш заводи», «Қува дон маҳсулотлари», «Фарғона дон маҳсулотлари», «Бағдод дон маҳсулотлари», «Қўқон механика заводи», «Қўқон ёғ-мой» ҳамда «Қўқон нефтгаз пармалаш ишлари» ОАЖ лар эмиссия рисолаларига киритилган ўзгартиришлар давлат рўйхатидан ўтказилиб устав фондлари миқдори Фармонда белгиланган меъёрга етказилди.

Шунингдек, Фарғона ҳудудий «Автотеххизмат-Ф» ОАЖ ва «Фарғона Дори-Дармон» ОАБнинг устав фондини Фармонда белгиланган меъёрга етказиш бўйича эмиссия рисоласига киритилган ўзгартириш ҳамда қўшимча акциялар чиқариш тўғрисидаги қарори давлат рўйхатидан ўтказилди.

Бу билан юқоридаги жамиятлар жами 6,2 млд. сўмдан ортиқ миқдорда молиявий маблағга эга бўладилар. Бу эса уларнинг молиявий барқарорлигини ошириш, ишлаб чиқаришни модернизациялаш, техник ва технологик қайта жиҳозлаш имкониятини яратади.

Масъулияти чекланган жамиятга ўтишга қарор қилган 43 та жамиятдан бугунги кунга қадар 4 та - «Фурқат туман матлубот савдо», «Қўқон автотеххизмат», «66-Қува автосарой» ҳамда «Фарғона-лада» жамиятлари акциялар чиқарилиши бекор қилинди ҳамда тегишли тартибда акциядорлик жамиятлари ягона давлат реестридан чиқарилди.

Бироқ бу борада «Фарғона транс» уюшмаси, «Матлуботсавдо» АК ҳамда «Бозорлар уюшмаси» тизимига кирувчи акциядорлик жамиятлари сусткашликка йўл қўймоқдалар.

Ю.ШОКИРОВ,
Қимматли қоғозлар бозори фаолиятини мувофиқлаштириш ва назорат қилиш Маркази Фарғона вилоят бошқармаси бошлиғи.

Viloyatda O`zbekiston Respublikasi Prezidenti tomonidan belgilab berilgan mamlakatni ijtimoiy-iqtisodiy rivojlantirish dasturining eng muxim ustuvor vazifalarini amalga oshirish yuzasidan korilgan chora-tadbirlar natijasida iqtisodiyotning barqaror rivojlanishi ta'minlandi.

Asosiy makroiqtisodiy ko`rsatkichlar. Viloyat bo`yicha yalpi xududiy maxsulot xajmi 2853,5 mlrd. so`mni, o`tgan yilning mos davriga nisbatan o`sish sur'atlari 106,0 foizni tashkil etmoqda.
Sanoat maxsulotlari (2,8%), xalq iste'moli mollari (6%), yalpi qishloq xo`jaligi maxsulotlari (5,1%), kapital qo`yilmalar xajmi (41,9%), qurilish ishlari (16,9%), chakana savdo aylanmasi (20,1%), jami xizmatlar (25,6%) xamda pullik xizmatlar (22,1%) xajmlarining sezilarli o`sganligi bunga asosiy omil bo`ldi.
Yalpi xududiy maxsulot xajmida xizmatlar soxasi 34,9 foizni (2007 y. 33,4%) xamda kichik biznes va tadbirkorlik ulushi 55 foizdan (2007 y. 51,7%) iborat bo`ldi.
Tashqi bozorga 520 mln. AQSh dollariga yaqin maxsulotlar eksport qilindi (108,4%).

Pul-kredit, maxalliy byudjet daromad-xarajatlari va soliqlar. Jami kirim 961,3 mlrd. so`mni tashkil etib, ўtgan yilning shu davriga nisbatan 242,6 mlrd. so`mga ortgan. O`tgan yilning shu davriga nisbatan naxd pul tushumining ko`payishi quyidagi manbalar xisobiga ta'minlangan.
Savdo tushumi 195,7 mlrd. so`mga (o`sish 144,5%, umumiy tushumdagi ulushi 66,1%), transport xizmati ko`rsatishdan tushum 14,4 mlrd. so`mga (153,5%, ulushi 4,3%), kommunal to`lovlardan tushgan tushumlar esa 19,8 mlrd. so`mga (144,9%, ulushi 6,6%) oshgan. 
Viloyatdagi naxd pul tushumlari birinchi navbatda birinchi darajali to`lovlardan mavjud bo`lgan qarzdorlikni kamaytirish uchun yo`naltirilmoqda. Birinchi darajali to`lovlarga jami 571,5 mlrd. so`m jumladan, pensiya to`loviga 276 mlrd. so`m, byudjet xodimlari ish xaqiga 230,5 mlrd. so`m va nafaqa to`lovlari uchun 65,0 mlrd. so`m to`lab berildi. Xozirgi kunda viloyat savdo va xizmat ko`rsatish shaxobchalarida jami 2975 ta terminallari o`rnatilgan (o`tgan yilga nisbatan 1336 ta ko`p). Shundan savdo shaxobchalarida o`rnatilgan terminallar soni 2845 donani tashkil qilgan. Bundan tashqari, viloyat bo`yicha 10 dona bankomat o`rnatilgan.
Mavjud tijorat banklar tomonidan xisobot davrida iqtisodiyotga 285,7 mlrd. so`m kredit ajratilgan bo`lib, shundan 158,7 mlrd. so`mi uzoq muddatli kreditlarni tashkil qildi. 
Jami ajratilgan kreditlar o`tgan yilning shu davriga nisbatan 18,4 foizga oshgan. Tijorat banklarining o`z mablag`lari xisobidan 172,2 mlrd. so`mlik (o`tgan yili 136,8 mlrd. so`m) kreditlar berilib, shundan uzoq muddatlisi 82,9 mlrd. so`mni (o`tgan yili 58,4 mlrd.so`m) tashkil etdi.
Kichik biznes sub'ektlariga esa 76,7 mlrd. so`m kredit ajratilib, bu o`tgan yilga nisbatan 84,8 foizga ko`p. Shundan 38,2 mlrd. so`mi uzoq muddatlarga berilgan. Shuningdek, dexqon va fermer xo`jaliklari uchun 9,6 mlrd. so`m, kichik korxona va mikrofirmalar uchun 6,2 mlrd.so`m kreditlar ajratilgan.
Viloyat maxalliy byudjetining daromad rejasi 444,2 mlrd. so`m belgilangan bo`lsa, xaqiqatda 450,3 mlrd. so`m miqdoriga erishib 101,4 foizga bajarildi. 
Maxalliy byudjetning xarajatlar aniqlangan rejasi 434,2 mlrd. so`m belgilangan bo`liib, xaqiqatda 462,9 mlrd. so`mga bajarildi. 
Yil yakuni bo`yicha maxalliy byudjet xarajatlarida dotasiyaning ulushi o`tgan yilga nisbatan 6,5 foizga kamaytirishga erishildi. 
Viloyatdagi chuqur iqtisodiy isloxotlarning amalga oshirilishi natijasida 2007-2008 yillar davomida, Marg`ilon (13,2%) shaxri va Beshariq (16,1%), Dang`ara (14,3%), Yozyovon (15,9%), So`x (15,6%), Toshloq (14,7%), Farg`ona (16,2%), Furqat (17,9%), Quva (15%) tumanlarining mahalliy byudjeti xarajatlaridagi dotasiya salmogii sezilarli darajada kamaygan, shuningdek, joriy yilda viloyatning Uchko`prik va Oltiariq tumanlari mahalliy byudjetlari dotasiyadan chiqarilishiga erishildi.
Viloyatda faoliyat ko`rsatayotgan korxona va tashkilotlarning 2008 yilning 1 dekabr holatiga (statistika boshqarmasining tezkor ma'lumotiga asosan) umumiy debitorlik qarzlari 1045,7 mlrd. so`mni, shundan muddati o`tgani 25,7 mlrd. so`mni, umumiy kreditor qarzlar esa 1188,2 mlrd. so`mni, shundan muddati o`tgani 162,0 mlrd.so`mni tashkil qilmoqda. 
Tijorat banklari tomonidan pul momalasini barqarorlashtirish bo`yicha amalga oshirilayotgan ishlar. Viloyatda 73 ta tijorat banklari, 185 ta mini banklar, 71 ta maxsus kassalar, 8 ta kredit uyushmasi va 3 ta mikrokredit tashkiloti faoliyat yuritmoqda. 2008 yilda yangi tijorat banki, ya'ni AT "Kreditstandartbank" ochilib o`z faoliyatini yuritayotgan bo`lsa, joriy yilning oktyabr oyidan Kapitalbankning filiali ochilib, faoliyat ko`rsatmoqda. Viloyat tijorat banklari tomonidan qarorlar talablarini bajarish o`ўyicha amalga oshirilgan ishlar natijasida jami 388 mingdan ortiq plastik kartochkalar muomalaga chiqarildi. Shundan 307,8 ming donasi ish xaqi loyixasi bo`yicha emissiya qilingan. Emissiya qilingan plastik kartochkalar o`tgan yilga nisbatan 77,4 ming donaga ko`paygan. 2008 yil uchun soliq va to`lovlar bo`yicha belgilangan 590,7 mlrd. so`m prognoz, xaqiqatda 598,3 mlrd.so`mga yoki 101,3 foizga bajarilishi ta'minlanib, byudjetga prognozga nisbatan 7,6 mlrd. o`mdan kўproq mablag` jalb qilindi. Belgilangan yillik prognoz barcha shaxar va tuman Davlat soliq inspeksiyalari tomonidan bajarilgan. 
Tushumlarni o`tgan yilga nisbatan 98,9 mlrd. so`mga yoki 19,8 foizga ko`p tushirilishiga erishildi. Shundan tadbirkorlik faoliyati bilan shug`ullanuvchi jismoniy shaxslardan olinadigan daromad solig`i o`tgan yilga nisbatan 43,3 foizga, savdo va umumiy ovqatlanish korxonalari yalpi daromad solig`i 57,7 foizga, jismoniy shaxslardan yoqilg`i mahsulotlari iste'moli solig`i 38,3 foizga oshirib bajarildi.

Barcha manbaalar xisobidan 471,8 mlrd. so`mlik mablag`lar o`zlashtirilib, o`tgan yilning shu davriga nisbatan bu ko`rsatkich 141,9 foizga o`sdi.
Jumladan:
byudjet mablag`lari xisobidan 47,9 mlrd. so`m;
byudjetdan tashqari mablag`lar xisobidan maktablar xamda bolalar sporti ob'ektlarini qurish va kapital rekonstruksiya ishlarini amalga oshirishga 49,7 mlrd. so`m;
korxonalar o`z mablag`lari va maxalliy byudjet mablag`lari xisobidan 173,2 mlrd. so`m;
axoli mablag`lari xisobidan (yakka tartib uy-joy qurilishi, ichimlik suvi va tabiiy gaz tarmoqlarini qurilishi va boshqalar) 70,7 mlrd. so`m;
tijorat banklari kreditlari xisobidan 22,9 mlrd. so`m;
chet el investisiyasi va kreditlari xisobidan 107,3 mlrd. so`m;
Jami o`zlashtirilgan mablag`larning 71,1 foizi ishlab chiqarish soxasiga to`g`ri keldi. 
2008 yil yakunida viloyat bo`yicha 11 ta korxonalar yangi tashkil etish, modernizasiya va rekonstruksiya 
qilish xisobidan foydalanishga topshirildi.
Jumladan:
Farg`ona shaxrida yiliga 700 tonna paxta tolasini kosmetik va tibbiyot uchun ishlab chiqaruvchi "Korea Hana Medical Invest" qo`shma korxonasi;
Qo`qon shaxridagi "Superfosfat" zavodida yiliga 250 ming tonna ammoniylashgan oddiy superfosfat ishlab chiqarish sexi;
Qo`qon shaxridagi "Qo`qon yog` moy" OAJ korxonasida kuniga 10 tonna xom yollar kislotasi ishlab chiqaruvchi (SJK) sexi;
O`zengsanloyixa" instituti loyixasiga asosan Rishton tumanida joylashgan yiliga 5,5 ming tonna yigirilgan ip ishlab chiqaruvchi "RUSO UZBEKTEKS" qo`shma korxonasi;
Rishton tumani O.Qoraboev MFY da joylashgan sopol idish-tovoq ishlab chiqaruvchi "SIMAX F+Z" MChJ;
Rishton tumanida mebellar va pardalar uchun matolar ishlab chiqaruvchi "Fayz Akroteks" qo`shma korxonasi;
O`zbekiston tumanidagi Konizar qishloq fuqorolar yig`ini xududidagi "Xakimjon-R" kichik korxonasi qoshida 10,0 ming m2 alyumin eshik va romlari ishlab chiqaruvchi korxonasi;
Toshloq tumanida 30 ming dona ruberoid ishlab chiqaruvchi "Muxammad SMM" korxonasi; 
Dang`ara tumanida kuniga 1000 dona ruberoid ishlab chiqaruvchi "Dang`ara Mexridil" korxonasi;
" Dang`ara tumanidagi kuniga 3000 metr polietilen truba ishlab chiqaruvchi "Sodiqov Narimon" korxonasi;
"Quva tumanidagi paxtani qayta ishlash zavodini modernizasiya qilish loyixasi

Qurilish (pudrat) ishlari. Xisobot davrida viloyat qurilish tarmog`i bo`yicha 27 ta pudrat tashkilotlari bo`lib, shundan 1 tasi davlat tasarrufidagi, 2 tasi xissadorlik jamiyati, 7 tasi mas`uliyati cheklangan jamiyat, 4 tasi sho`'ba korxonalar, 11 tasi xo`jalik jamoalari va shirkatlar, 1 ta xususiy korxonalar va 1 ta ta'mirlash muassasi. 
Joriy yilda bajarilgan pudrat ishlari hajmi 218,4 mlrd. so`m bo`lib, o`tgan yilning shu davriga nisbatan 116,9 foizni tashkil etmoqda.
2008 yil "Manziliy dastur"ga asosan 225 ta ob'ektga 61,7 mlrd. so`m, shundan qurilish-montaj ishlariga 59,6 mlrd. so`m mablag` o`zlashtirish rejalashtirilgan bo`lib, xisobot davrida 60,5 mlrd. so`mlik yoki yillik limitga nisbatan 98,1 foiz kapital mablag`lar o`zlashtirildi.
Respublika byudjeti xisobidan 14 ta (9510 o`suvchi o`rin) kasb-hunar kollejlari qurilishiga 28,4 mlrd. so`m belgilangan bo`lib, xisobot davrida 28,7 mlrd. so`mlik kapital mablag`lar o`zlashtirildi. Yillik limitga nisbatan 101,1 foiz bajarilib, 14 ta 9480 o`suvchi o`rin kasb-hunar kollej foydalanishga topshirildi.
Ijtimoiy soxa ob'ektlari qurilishi. Jami o`zlashtirilgan mablag`larning 28,9 foizi (136,4 mlrd. so`m) noishlab chiqarish soxasiga to`g`ri kelib, shundan maktablarni qurilishi va rekonstruksiyasi, avtomobil yo`llarni rekonstrusiya uchun 36,5 foiz, akademik liseylar va kasb-hunar kollejlariga esa 35,1 foiz mablag`lar o`zlashtirilgan.
"2004-2009 yillarda maktab ta'limini rivojlantirilish Davlat umummilliy dasturini amalga oshirish chora-tadbirlari to`g`risida"gi Vazirlar Mahkamasining 2004 yil 9 iyuldagi 321-sonli qaroriga asosan 2008 yilda 53 ta (18373 o`suvchi o`rin) maktablarini kapital rekonstruksiya qilish uchun 15,0 mlrd. so`m, shundan QMI hamda jihozlar sotib olish uchun 14,4 mlrd. so`mlik mablag`lar yo`naltirilishi rejalashtirilgan. Bundan tashqari O`zbekiston Respublikasi hukumatining kafolati bilan horijiy investisiyalar va kreditlari xisobidan (ITB) 2 ta 630 o`suvchi o`rinli yangi maktab qurilishiga 1,8 mlrd. so`m mablag` ajratilishi belgilangan. 2008 yilda 15,9 mlrd. so`m yoki yillik limitga nisbatan 95,0 foiz kapital mablag`lar o`zlashtirildi, shundan yangi qurilish uchun 1,8 mlrd. so`m va kapital rekonstruksiya ishlariga 14,1 mlrd. so`m.
Bolalar sportini rivojlantirish fondi xisobidan 1 ta bolalar sport kompleksi va 9 ta umumta'lim maktab hududida qo`shimcha 1 tadan sportzal binosi qurishga 1,4 mlrd. so`m mablag` o`zlashtirishi belgilangan bo`lib, xisobot davrida 1,2 mlrd so`m, (QMI 1,1 mlrd. so`m) yoki yillik limitga nisbatan 96 foizga mablag`lar o`zlashtirildi.
Avtomobil yo`llari qurilishi dasturining bajarilish. Viloyat bo`yicha 36 ta ob'ektda jami 87 km. avtomobil yo`llarini rekonstruksiya, to`la va o`rta ta'mirlash ishlari uchun 28,6 mlrd. so`m mablag` ajratilgan. Xisobot davrida jami 25,4 mlrd. so`m mablag` o`zlashtirilib (yillik limitga nisbatan 88,2 foizga), 85,4 km yoki 98,2 foizga avtomobil yo`llari ta'mirlanib foydalanishga topshirildi.
"Farg`onaavtoyo`l" hududiy yo`llardan foydalanish davlat tashkiloti tomonidan 16 ta ob'ektda 51 km avtomobil yo`llarini kapital rekonstruksiya, to`la va o`rta ta'mirlash ishlariga 27,2 mlrd. so`m mablag` ajratilgan, haqiqatda 24,0 mlrd. so`m yoki yillik limitga nisbatan 88,5 foizga mablag` o`zlashtirilgan.
"Farg`onaavtoyo`l" tashkiloti tomonidan 49,4 km. yoki 96,9 foizga avtomobil yo`llari ta'mirlanib foydalanishga topshirildi. Jumladan:
- rekonstruksiya qilish. A-373 "Toshkent-Osh" 216-274 km. ob'ektning yer ishlari va qoplama ta'mirlash ishlari uchun 21,5 mlrd. so`m rejalashtirilgan bo`lib, haqiqatda 18,9 mlrd. so`m mablag` o`zlashtirildi yoki yillik limitga nisbatan 88,1 foizga bajarilib, 22,1 km. yoki 96,1 foizga avtomobil yo`llari ta'mirlanib foydalanishga topshirildi;
- to`la ta'mirlash xisobidan 4R-112 "Farg`ona halqasi yo`li" 249-255 km. ob'ektning yer ishlari va qoplama ta'mirlash ishlari uchun 3,1 mlrd. so`m rejalashtirilgan bo`lib, amalda 2,7 mlrd. so`m o`zlashtirilib, yillik limitga nisbatan 87,7 foizga bajarilgan. 5,3 km. yoki 88,3 foizga avtomobil yo`llari foydalanishga topshirildi;
- o`rta ta'mirlash ishlari xisobidan 14 ta ob'ektda 22 km. yer ishlari va qoplama ta'mirlash ishlari uchun 2,5 mlrd. so`m rejalashtirilgan bo`lib, haqiqatda 2,4 mlrd. so`m ўo`lashtirilib, yillik limitga nisbatan 93,1 foizga bajarildi. 22 km avtomobil yo`llari ta'mirlanib foydalanishga topshirildi.
"Yagona buyurtmachi xizmati" injiniring kompaniyasi tomonidan 20 ta ob'ektda jami 36 km avtomobil yo`llarini to`la va o`rta ta'mirlash ishlari uchun 1,3 mlrd. so`m mablag` ajratilgan. Joriy yilda 1,2 mlrd. so`m mablag` o`zlashtirilib yoki yillik limitga nisbatan 81,3 foizga, 36 km. avtomobil yo`llari to`la va ўrta ta'mirlash ishlari yakunlanib foydalanishga topshirildi. Shundan:
- to`la ta'mirlash ishlari xisobidan 4 ta ob'ektda 4 km. avtomobil yo`llarini ta'mirlash uchun 706,8 mln. so`m mablag` o`zlashtirilishi belgilangan. Yil davomida 595,1 mln so`m mablag` o`zlashtirilib, yillik limitga nisbatan 80 foizga, rejadagi 4 km. avtomobil yo`llari to`la ta'mirlash ishlari yakunlanib foydalanishga topshirildi. 
- o`rta ta'mirlash ishlari xisobidan 16 ta ob'ektda 32 km. ta'mirlash uchun 589,2 mln. so`m mablag` ajratilgan, yanvar-dekabr oylarida 594,8 mln. so`m mablag` o`zlashtirilib yoki yillik limitga nisbatan 92,2 foizga, rejadagi 32 km. avtomobil yo`llari o`rta ta'mirlash ishlari yakunlanib, foydalanishga topshirildi. 

Sanoatni rivojlantirish va ishlab chiqarish quvvatlaridan foydalanish. Sanoat mahsulotlari ishlab chiqarish hajmi joriy yilda amaldagi baholarda 2323,3 mlrd. so`mni, taqqoslama baholarda esa 1966,5 mlrd. so`mni tashkil etdi va o`tgan yilga nisbatan taqqoslama baholarda 102,8 foizni tashkil etdi. Umumiy ishlab chiqarilgan sanoat mahsuloti hajmida nodavlat sektorining ulushi 99,7 foizdan yoki 2315,2 mlrd. so`mdan iborat bo`ldi. 
Viloyatda 2008 yilda 52 ta yirik sanoat korxonalari faoliyat ko`rsatdi.
Shuningdek, joriy yilda 61,1 mingdan ortiq ishchi-xizmatchilar sanoat mahsulotlari ishlab chiqarish bilan shug`ullandilar.
Viloyatda 15 dan ortiq tarmoqlarda sanoat mahsulotlari ishlab chiqarilmoqda. Jumladan: 
Ximiya va neft ximiyasi sanoatida o`tgan yilning shu davriga nisbatan 12,4 foiz o`sishga erishilib, 199,6 mlrd. so`mlik mahsulotlar ishlab chiqarildi.
Mashinasozlik va metallni qayta ishlash sanoatida o`sish sur'ati 110,0 foizga yoki 44,2 mlrd. so`mlik, o`rmon, yog`ochni qayta ishlash va qog`oz sellyuloza sanoatida 189,8 foizga yoki 7,6 mlrd. so`mlik, qurilish materiallari sanoatida 105,2 foizga yoki 189,9 mlrd. so`mlik, farfor-fayans va oynasozlik sanoatida 110,8 foizga yoki 95,2 mlrd. so`mlik, yengil sanoatda 109,8 foizga yoki 429,7 mlrd. so`mlik, oziq-ovqat sanoatida 112,7 foizga yoki 139,9 mlrd. so`mlik, mikrobiologiya sanoatida 157,3 foizga yoki 9,2 mlrd. so`mlik, medisina sanoatida 163,6 foizga yoki 391,7 mln. so`mlik, poligrafiya sanoatida 114,2 foizga yoki 16,0 mlrd. so`mlik sanoat mahsulotlari ishlab chiqarildi. Shuningdek boshqa sanoat ishlab chiqarishi bo`yicha 9,5 foiz o`sishga erishilib 7,9 mlrd. so`mlik sanoat mahsulotlari ishlab chiqarildi.
Bundan tashqari, bir qancha muhim turdagi sanoat mahsulotlari ishlab chiqarish hajmida o`tgan yilga nisbatan o`sishga erishildi. Jumladan, mineral o`g`itlar ishlab chiqarish 112,2 foizga, ammiak selitrasi 128,3 foizga, karbomid 100,8 foizga, paxta sellyulozasi 156,8 foizga, benzin 102,6 foizga, kalava ip 102,1 foizga o`sdi.
Joriy yilda viloyatda 639,1 mlrd. so`mlik xalq iste'mol mollari ishlab chiqarildi. Bu o`tgan yilga nisbatan 106,0 foizni tashkil etib, 36,4 mlrd. so`mlik mahsulotlar ko`p ishlab chiq`arildi. 
Jami xalq iste'mol mollari ishlab chiqarish hajmida nooziq-ovqat mahsulotlarini ishlab chiqarish (o`sish 100,5%) 451 mlrd. so`mni, shundan yengil sanoat mahsulotlari 40,7 mlrd. so`mni (143,1%), oziq-ovqat mahsulotlari ishlab chiqarish esa 174,4 mlrd. so`mdan (119,9%) iborat bo`ldi. Vino-aroq va pivo ichimliklari ishlab chiqarish 13,7 mlrd. so`mni (159,3%) tashkil qilmoqda.
Joriy yilda quyidagi asosiy iste'mol mollari ishlab chiqarish hajmlari o`sdi, ya'ni, momiq paxta 118,3 foizga yoki 1,6 ming tonna, poyafzal 108,5 foizga yoki 28 ming juft, makaron mahsulotlari 113,0 foizga yoki 1,8 ming tonna, non va non mahsulotlari 124,1 foizga yoki 20,8 ming tonna, uzum vinosi 126,1 foizga yoki 37 ming dkl.ga, meva-sabzavot konservalari 137,7 foizga yoki 3,5 ming sh.b.ga va aroq 101,6 foizga yoki 4,0 ming dkl.ga o`sdi. 
Farg`ona Neftni qayta ishlash davlat aksiyadorlik birlashmasi viloyat iqtisodiyotida salmoqli o`rinni egallaydi. Jumladan, viloyat bo`yicha ishlab chiqarilgan sanoat mahsulotlarining 45,2 foizi uning hissasiga to`g`ri keladi. Ushbu birlashmaga yetarli darajada xom-ashyo yetkazib berilmayotganligi korxona quvvatlaridan to`liq foydalanish imkoniyatini bermayapti. Shu tufayli korxonada o`sish sur'ati pasayib (94,6%), viloyat sanoat mahsulotlari ishlab chiqarish sur'atining o`sishiga salbiy ta'sir ko`rsatmoqda.
Viloyatda joriy yilda sanoat mahsulotlari ishlab chiqarish hajmlarini Farg`ona Neftni qayta ishlash davlat aksiyadorlik birlashmasini qo`shmasdan hisoblaganda 1078,1 mlrd. so`mni tashkil etib, o`tgan yilga nisbatan o`sish sur'ati 110,6 foizni tashkil etdi.
Maxalliylashtirish Dasturining bajarilishi. O`zbekiston Respublikasi Prezidentining 2008 yil 28 maydagi "2008-2010 yillarda sanoat kooperasiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturi to`g`risida"gi PQ-879 sonli qaroriga muvofiq, viloyatda 13 nafar korxonalar tomonidan 14 ta loyihalar amalga oshirildi va bu borada ijobiy natijalarga erishildi.
Respublika Mahalliylashtirish dasturiga viloyatimizdan avtomobilsozlik, neftegaz, kimyo, mebelsozlik, qurilish materiallari va yengil sanoat tizimlaridagi 7 ta korxona, hamda xududiy maqomga ega bo`lgan 6 ta korxona kiritilgan. hozirda bu korxonalarda avtomobil oynalari, avtomobil disklari, avtomobillarga turli butlovchi qismlar, mebel kleyi, qurilish oynasi, shisha butilka va bankalari, motor moylari uchun turli qo`shimchalar, nogironlar aravachasi, karbid kalsiy, mebellar, sport to`plari kabi sanoat va iste'mol mahsulotlari ishlab chiqarilmoqda.
Respublika dasturidagi korxonalar tomonidan 103,0 mlrd. so`mlik mahsulot ishlab chiqarilib, 11,5 mln AQSh dollarlik mahsulot eksport qilindi. Mahsulot ishlab chiqarishni mahalliylashtirish hisobiga valyuta iqtisodi 70,8 mln. AQSh dollarini tashkil qildi. Shuningdek, mazkur loyihalarni amalga oshirish hisobiga 34 ta yangi ish o`rinlari barpo etildi.
Ishlab chiqarilgan yalpi sanoat mahsulotlarining 4,4 foizini mahalliylashtirish asosida ishlab chiqarilayotgan mahsulotlar tashkil qiladi. Dasturdagi korxonalar tomonidan 1,3 mlrd. so`mlik soliq imtiyozlaridan va 8,4 mlrd. so`mlik bojxona 
imtiyozlaridan foydalanildi.
Dastur bo`yicha mahsulot ishlab chiqarish rejasi (istiqbol 61,0 mlrd. so`m - amalda 103,0 mlrd. so`m) 169,0 foizga bajarildi. 
Zarar ko`rib ishlayotgan va iqtisodiy nochor korxonalarni moliyaviy sog`lomlashtirish. Viloyatda 2008 yilning 1 dekabr holatiga 4 ta korxona (Farg`ona shahridagi "Daewoo Texstile International" va Toshloq tumanidagi "DEU Tekstayl kompani" horijiy korxonalari, "Marg`ilon issiqlik manbai", "Quvasoy GRES" sho`ba korxonasi) faoliyatini zarar bilan yakunlagan bo`lib, ularning zarar miqdori 10,3 mlrd. so`mni tashkil etgan. Zarar ko`rgan korxonalardan Farg`ona shahrida ("Daewoo Texstile International"), Marg`ilon shahrida ("Marg`ilon issiqlik manbai"), Quvasoy shahrida ("Quvasoy GRES" sho`ba korxonasi) va Toshloq tumanida ("DEU Tekstayl kompani" horijiy korxonalari) 1 tadan korxonalar tashkil etmoqda. 
Tarmoqlar kesimida zarar ko`rib ishlayotgan korxonalarning barchasi (Farg`ona "Daewoo Texstile International" horijiy korxonasi, "Quvasoy GRES" sho`ba korxonasi, "Marg`ilon issiqlik manbai" davlat korxonasi va "DEU Tekstayl kompani" horijiy korxonasi) mahalliy hokimiyat tizimidagi korxonalardan iborat. 
2008 yilning 1 dekabr holatiga viloyatda iqtisodiy nochor korxonalar soni 8 tani ("Farg`ona Azot", "Farg`ona elektr tarmoqlari", "Qo`qon SFZ", "Qo`qon issiqlik manbai", "Qo`qon suvoqava", "Qo`qon energiya markazi", "Marg`ilon issiqlik manbai" va "Bog`dod parranda") tashkil etib, o`tgan yilning mos davriga nisbatan 8 taga kamaygan.
Ishlab chiqarish hajmini oshirish, qo`shimcha ish o`rinlari yaratish, sifatli va bozor talablariga javob beradigan mahsulotlar ishlab chiqarish, korxonalarni ichki imkoniyatlaridan to`liq foydalanish, mahalliy va horijiy investorlarni jalb etish hamda sanoat korxonalarining iqtisodiy barqarorligini ta'minlash maqsadida joriy yilda viloyatda 73 ta korxonaga nisbatan sog`lomlashtirish chora-tadbirlari ko`rilgan, ularni bajarilishi borasida monitoring ishlari olib borilgan. 421 ta sub'ektlardan 294 ta sub'ektning balansida mulkiy aktivlar mavjud bo`lmaganligi sababli O`zbekiston Respublikasi "Bankrotlik to`g`risida"gi qonuniga muvofiq tugatish ishlari soddalashtirilgan tartibda olib borilgan va byudjetdan bo`lgan jami 39,0 mlrd. so`m qarzdorlikdan "Bankrotlik to`g`risida"gi qonunning 134-moddasiga asosan 35,4 mlrd. so`mi qoplangan deb xisoblangan holda Davlat reestridan chiqarilgan. Davlat reestridan chiqarilgan 6 ta sub'ekt kreditor qarzdorligini qoplagan holda faoliyatini tiklagan.
2006-2007 yillari viloyat xo`jalik sudining hal qiluvchi qarorlari bilan bankrot deb e'tirof etilgan hamda tugatish ishlari 2008 yilga o`tgan 168 ta sub'ekt bo`lib, 162 ta sub'ekt davlat reestridan chiqarilgan. Qolgan 7 ta sub'ektlarda quyidagi ishlar amalga oshirilgan. Ya'ni:
3 ta ("Farg`ona ip-gazlama ishlab chiqarish", "Buyuk ipak yuli", "Farg`ona sun'iy charm zavodi") korxonalar mol-mulki majmua sifatida sotuvga chiqarilgan. Bugungi kunda tegishli xujjatlar O`zbekiston Respublikasi Prezidentining 2008 yil 19 noyabrdagi "Iqtisodiy nochor korxonalarni tijorat banklariga sotish to`g`risida"gi tartibni tasdiqlash to`g`risida"gi R-4010 sonli Farmoyishiga asosan Respublika komissiyasiga taqdim etilgan.

1 ta ("Ulug`bek" AJ) korxona mulki majmua sifatida sotilib, bugungi kunda korxonaning byudjet to`lovlaridan bo`lgan qarzdorligi qoplanmoqda. 
1 ta ("Sharq ne'matlari" XK) korxonani mulklari O`zbekiston Respublikasi Prezidentining R-4010 sonli Farmoyishiga asosan "Asaka bank" balansiga berilgan. 
2 ta sub'ekt ("90-XKMK" MChJ va "TJM-DELAROS" XK) bo`yicha tugatish ishlari davom etmoqda. 
Transport va aloqa. Viloyat bo`yicha barcha transport turlarida 69,6 mln. tonnadan ziyod yuklar tashildi va o`tgan yilga nisbatan 122,2 foizga o`sdi.
Jumladan, avtomobil transportida yuk tashish 57,9 mln. tonnani tashkil etdi (124,2%). Shuningdek, boshqa turdagi transportlarda yuk tashishda ham yuqori o`sish sur'atlariga erishildi (Havo transporti-101%, temir yo`l transporti-113,5%).
Transportlarda yuk aylanmasi 3306,8 mln. t/km.ni tashkil etib, o`sish 111,5 foizdan iborat bo`ldi. Yuk aylanmasida yuqori o`sish sur'ati avtomobil transporti hisobiga ta'minlandi (1788,7 mln. t/km, o`sish-122,9%).
Yo`lovchilar tashish miqdori barcha transport turlari bo`yicha 496,1 mln. kishini tashkil etdi (o`sish-108,9%). Boshqa transport turlariga nisbatan temir yo`l transportida yo`lovchilar tashish sezilarli darajada oshgan, ya'ni 125,1 foizga yetgan (866 ming kishi). 
Transport xizmatining barcha turlarida o`tgan yilning shu davriga nisbatan yuqori sur'atlarda o`sishni ta'minlanishi o`z navbatida olingan daromadlar hajmini ortishiga olib keldi. Jumladan, yuk tashishdan daromad 69,7 mlrd. so`mdan iborat bo`ldi (104,4%). Bu asosan temir yo`l xizmatidan olingan daromadlar hisobiga bo`lib, joriy yilda bu ko`rsatkich 64,6 mlrd. so`mni tashkil etib, o`tgan yilga nisbatan o`sish sura'ti 104,7 foizga yetdi. Shu bilan birgalikda, yo`lovchi tashishdan ham olingan daromadlar miqdori o`tgan yilga nisbatan 108,4 foizni tashkil etdi (8,9 mlrd. so`m).
Joriy yilda aloqa xizmati tez sur'atlarda rivojlandi. Sohada o`tgan yilga nisbatan 1,6 marta o`sishga erishildi. Yil davomida viloyat bo`yicha 55,0 mlrd. so`mlik aloqa xizmati ko`rsatildi. Shu jumladan aholiga 44,3 mlrd. so`mlik xizmat ko`rsatilib, o`tgan yilning shu davriga nisbatan 169,8 foizga o`sgan.
Xizmat ko`rsatish va servis soxasini rivojlantirish. Viloyatda xizmatlar sohasini rivojlantirish hududiy dasturining belgilangan maqsadli ko`rsatkichlariga erishish maqsadida bir qator chora-tadbirlar amalga oshirildi. 
Jami xizmatlaring o`sish sur'ati 125,6 foizni tashkil etdi (belgilangan dastur topshirig`i 120,0 foiz). 
Jumladan:
-savdo xizmatlari - 120,0 foiz (topshiriq 120,0 foiz);
-transport xizmatlari - 115,3 foiz (topshiriq 114,2 foiz);
-aloqa va axborot xizmatlari - 138,9 foiz (topshiriq 133,0 foiz);
-moliya va bank xizmatlari - 125,6 foiz (topshiriq 125,5 foiz);
-turizm va sayyoxlik xizmatlari - 113,2 foiz (topshiriq 119,5 foiz);
-mexmonxona xizmatlari - 116,2 foiz (topshiriq 120,0 foiz);
-kommunal maishiy xizmatlar - 128,5 foiz (topshiriq 128,5 foiz);
-avtomobil va boshqa texnikalarni ta'mirlash xizmati - 135,8 foiz (topshiriq 122,5 foiz);
-boshqa xizmatlar - 135,3 foizga (topshiriq 118,6 foiz) bajarildi.
Joriy yilda viloyatda jami 328,0 mlrd. so`m pullik xizmatlar ko`rsatilib, o`tgan yilning mos davriga nisbatan o`sish sur'ati 122,1 foizni tashkil etdi. 
Aholiga 77,0 mlrd. so`mlik maishiy xizmatlar ko`rsatilib, o`sish sur'ati 116,6 foiz ko`rsatkichga 
erishildi.
Viloyatda jami 494 ta savdo va maishiy xizmat ko`rsatish ob'ektlari tashkil etildi. Jumladan:
117 ta savdo shaxobchalari, 39 ta umumiy ovqatlanish , 19 ta umumta'lim muassasalarida ovqatlanish, 3 ta "Guzar" tipidagi savdo va maishiy xizmat ko`rsatish shaxobchalari, 58 ta kiyim tikish va ta'mirlash, 69 ta sartaroshxona, 51 ta poyabzal ta'mirlash, 17 ta maishiy texnikalarni ta'mirlash ustaxonalari, 3 ta kimyoviy tozalash, 20 ta suratxona, 13 ta xammom hamda 84 ta boshqa turdagi xizmat ko`rsatish shahobchalari tashkil etildi.
Viloyatning qishloq hududlariga zamonaviy xizmat turlaridan Paynet va kompyuter xizmati, avtomobillarga texnik xizmat ko`rsatish, sug`urta xizmati tashkil etildi. Qishloq joylarida yashovchi aholining ushbu xizmatlarga bo`lgan talabi yuqoriligi sababli xizmat turlari o`rtasida raqobat muhiti yaratilishi natijasida belgilangan xizmatlar narxi arzonlashishiga erishildi. 
Yil davomida xizmat ko`rsatish va servis sohasini rivojlantirish uchun jami 3279,1 mln. so`m imtiyozli 
kreditlar ajratildi. Jumladan: 
Xizmat ko`rsatish sohasi bilan shug`ullanuvchi tadbirkorlarga viloyat "Bandlik jamg`armasi" mablag`lari xisobidan 362,3 mln. so`m, Mikrokreditbank kredit mablag`lari hisobidan 689,5 mln. so`m, boshqa tijorat banklari hisobidan 2227,3 mln. so`m miqdorda imtiyozli kreditlar ajratildi.
Ushbu imtiyozli kreditlarning ajratilish hisobiga viloyatda 11 mingdan ortiq yangi ish o`rinlari yaratildi. Mazkur ish o`rinlarining katta qismi (62 foiz) qishloq joylar ulushiga to`g`ri keldi.

Chakana savdo aylanmasi 1192,7 mlrd. so`mni, o`tgan yilning mos davriga nisbatan o`sish sur'ati 120,1 foizni tashkil etdi. 

O`zbekiston Respublikasi Prezidentining 2007 yil 20 iyuldagi PQ 672-sonli qaroriga muvofiq joriy yilda 26 ta davlat aktivlari sotilishi belgilangan bo`lib, amalda 26 ta korxona va ob'ektlar davlat tasarrufidan chiqarildi. Ularning sotilish qiymati 1373,2 mln. so`mni tashkil etadi. Bundan tashqari sotib oluvchilarga 13948,2 mln. so`m hamda 1013,0 ming AQSh dollariga teng investisiya majburiyatlari yuklatilgan. Ushbu qarorning 3-ilovasiga asosan investisiya kiritish sharti bilan "Nol" qiymatida xususiylashtirilishi belgilangan 12 ta korxona va ob'ektlar Respublika Davlat mulkini horijiy investorlarga sotish bo`yicha tender savdolari o`tkazuvchi Davlat komissiyasining 2007 yil 27 dekabrdagi va 2008 yil 19 martdagi qarorlariga asosan "Tanlov" savdolariga qo`yilgan.
"Nol" qiymatida xususiylashtirilishi belgilangan 12 ta korxona va ob'ektlardan 10 tasi (investisiya majburiyatining boshlang`ich qiymati 4310,0 mln. so`m) investisiya kiritish sharti bilan 11618,6 mln so`m va 1013,5 AQSh dollari qiymatida investisiya kiritish majburiyati yuklatilgan.
Davlat aktivlari va davlat ulushidagi aksiya paketlarini sotilishi, Davlat tasarrufidan chiqarish va xususiylashtirish evaziga barcha manbaalaridan xaqiqatda 6297,8 mln. so`m tushirildi.
O`zbekiston Respublikasi Prezidenti va Hukumatining qarorlariga asosan viloyatda jami 10785,0 mln. so`m hamda 2247,8 ming AQSh dol. investisiya kiritish sharti bilan 53 ta korxona va ob'ektlar, "nol" qiymatida sotilgan.
Shundan 2009 yilning 1 yanvar kuniga qadar 1450,7 mln. so`mlik va 450,0 ming AQSh dollarlik investisiya majburiyatlari investorlar tomonidan kiritilishi belgilangan bo`lib, amalda 2705,5 mln. so`m investisiyalar kiritilib, reja 186,0 foizga bajarilgan. 30 ta korxona va ob'ektlarning investorlari tomonidan jami 1324,2 mln. so`m investisiya kiritildi, belgilangan reja 169,0 foizga bajarilgan va investisiya majburiyatlari, qabul qilish komissiyasi tomonidan qabul qilingan. Hozirgi kunda 3 ta korxona va ob'ektlarning 97,2 mln. so`mlik kiritilgan investisiya majburiyatlarini yakuniy baholash va qabul qilish ishlari olib borilmoqda. qolgan 16 ta korxona va ob'ektlarning investorlari tomonidan jami 8788,3 mln. so`m va 1234,3 ming AQSh dollarlik majburiyatlar belgilangan muddatlarda amalga oshirilib borilmoqda.
Kichik biznes va xususiy tadbirkorlikni rivojlantirish. 2009 yilning 1 yanvar holatiga ro`yxatdan o`tgan kichik va xususiy tadbirkorlik sub'ektlari soni 41981 tani tashkil etgan bo`lib, o`tgan yilga nisbatan 4,2 foizga ortdi. Joriy yilda 3596 ta yangi kichik biznes va xususiy tadbirkorlik sub'ektlari tashkil etilib, aholi bandligini ta'minlash, raqobat va tadbirkorlikni qo`llab-quvvatlash hududiy dasturida belgilangan reja (3025 ta) 118,9 foizga bajarildi. Yangi tashkil etilgan kichik biznes sub'ektlari hisobiga 46252 ta yangi ish o`rinlari yaratildi.
Kichik biznes va xususiy tadbirkorlik sub'ektlarini viloyat yalpi hududiy mahsulot hajmidagi ulushi joriy yilda 53,2 foizga yetkazish belgilangan, amalda bu ko`rsatkich 55,0 foizni tashkil qilmoqda. Kichik biznes va xususiy tadbirkorlik sub'ektlarining umumiy bandligidagi ulushi 76,6 foizdan iborat bo`lmoqda.

IV. Qishloq xo`jaligida iqtisodiy islohatlarning qo`llab-quvatlanishi va rivojlanishi
Qishloq xo`jaligida iqtisodiy islohotlarni chuqurlashtirish va uni amalga oshirish hamda qishloq xo`jaligi mahsulotlari ishlab chiqarishni ko`paytirish uchun qator ishlar amalga oshirildi. 
Jumladan amaldagi baholarda 881,4 mlrd. so`mlik, taqqoslama baholarda 812,1 mlrd. so`mlik yoki o`tgan yilga nisbatan 95,1 mlrd. so`mlik ortiq mahsulot ishlab chiqarildi (105,1%).
Ishlab chiqarilgan mahsulotlarning 531,9 mlrd. so`mligi (60,4%) ni dehqonchilik mahsulotlari, 349,5 mlrd. so`mligi (39,6%) ni chorvachilik mahsulotlari tashkil etdi.
Yalpi mahsulot ishlab chiqarishda amaldagi baholarda fermer xo`jaliklari ulushi 33,0 foizdan, dehqon xo`jaliklarini ulushi 67,0 foizdan iborat bo`ldi.
Meva-sabzavotchilik dasturi. Agrofirmalar fermer xo`jaliklar bilan qishloq xo`jaligi mahsuloti sotib olish uchun jami (31 ming tonna) 2402,2 mln. so`mlik 1741 ta shartnomlar tuzilib, amalda jami (25 ming tonna) 3407,8 mln. so`mlik qishloq xo`jaligi mahsulotlari sotib olindi. 
Joriy yilda agrofirmalar tomonidan "Agro minitex Ekspo-2008" savdo ko`rgazmasida jami 211,8 mln. so`mlik 4 ta meva-sabzavot mahsulotlarini saqlash va quritish uskunalari sotib olindi. Shundan:
Quvasoy shahridagi "Quvasoy bexizor" va "Arsif Bog`bon Guldiyor" agrofirmalari 2 ta umumiy hajmi 40 tonnadan iborat muzlatkichli kamerasi;
Oltiariq tumanidagi "Poloson Faxri" agrofirmasi Germaniya-Turkiya qo`shma korxonasi tomonidan ishlab chiqarilgan umumiy hajmi 100 tonnadan iborat muzlatkichli kamerasi;
Beshariq tumanidagi "Fayzli Adirabod" agrofirmasi tomonidan quritish uskunasi olib kelindi.
Hozirgi kunda mazkur muzlatkichli kameralarda jami 140 tonna meva-sabzavot mahsulotlari saqlanmoqda.
Oltiariq tumanidagi "Furktoviy ray" agrofirmasi tomonidan jami 14,2 ming tonna 8,6 mlrd. so`mlik qishloq xo`jaligi mahsulotlari chetga eksport qilindi. 
Agrofirmalarga tijorat banklari tomonidan 50,0 mln. so`m kredit mablag`lari ajratildi.
Chorvachilikni rivojlantirish dasturi. Viloyatdagi shaxsiy yordamchi va dehqon xo`jaliklaridagi qoramollar bosh soni 575,7 ming boshga yetib, yil boshiga nisbatan 34,8 ming boshga (106,5 foiz) ko`paydi. Shuningdek fermer xo`jaliklaridagi qoramollar bosh soni 37,2 ming boshga, qoramol boqish bilan shug`ullanayotgan fermer xo`jaliklari soni 1210 taga yetdi.
Xisobot davrida 6 ta zooveterinariya shahobchalari, 7 ta qoramollarni sun'iy urug`lantirish shahobchalari, 21 ta qoramollarni so`yish maydonchalari tashkil etildi.
Shaxsiy yordamchi dehqon va fermer xo`jaliklariga auksion orqali 1600 bosh naslli qoramollar sotildi. Aholini ish bilan band qilish va ularning daromadlarini oshirish maqsadida jami 2900 mln. so`mlik mikrokreditlar (ish bilan ta'minlashga ko`maklashish jamg`armasi tomonidan 800 mln. so`m, tijorat banklari tomonidan 2100 mln. so`m) ajratish rejalashtirilgan bo`lib, hozirgi kunga qadar jami 3645,1 mln. so`mlik (125,7%) (shu jumladan bandlik jamg`armasidan 809,4 mln. so`mlik (101,2%), tijorat banklari tomonidan 2835,7 mln. so`mlik (135%)) mikrokreditlar berildi. 
Mehnat daftarchasi ochish va yuritish to`g`risida tushgan arizalar soni 15036 tani tashkil qildi. Shundan yangi mehnat daftarchalari ochish esa 6311 taga yetdi. Pensiya jamg`armasi bilan shartnoma tuzgan va sug`urta badallarini to`lagan fuqarolar soni 3093 tani tashkil etdi. Viloyatda belgilangan 1912 ta o`rniga 1920 ta ko`p bolali va kam ta'minlangan oilalarga bepul qoramol berildi (100,4%). Sigir berishni moliyalashtirish manbaalari bo`yicha homiylar xisobidan 1899 bosh, nodavlat jamg`armalari mablag`lari xisobidan 3 bosh va mahalla jamg`armasi tomonidan 18 bosh qoramollar bepul tarqatildi.
Shaxsiy yordamchi, dehqon va fermer xo`jaliklarini kunjara, sheluxa, omixta yem sotishga ixtisoslashtirilgan Bosh birlashmasi, 19 ta shahar, tumanlar birlashmalari hamda ular negizida 159 ta shaxobchalar tashkil etildi. Mazkur shaxobchalar tomonidan aholiga hamda dehqon va fermer xo`jaliklariga jami 32,7 ming tonna ( 5,9 mlrd. so`mlik) kuchli ozuqa yemlari sotilmoqda. (shundan kunjara 18,6 ming tonna, sheluxa 11,1 ming tonna, omixta yem 2,9 ming tonna) Tijorat banklari tomonidan esa 2835,7 mln. so`mlik mikrokreditlar berilib va yillik reja 135,0 foizga bajarildi.
Viloyatdagi Don mahsulotlari korxonalari tomonidan xisobot davriga kelib shahar va tumanlarda dehqon va fermer xo`jaliklariga chorva mollari uchun omuxta yem sotadigan shaxobchalar orqali dehqon xo`jaliklariga 14347 tonna omuxta yem sotildi.
Viloyat bo`yicha tijorat banklari tomonidan shirkat va fermer xo`jaliklariga g`alla yetishtirish uchun 18,5 mlrd. so`m va paxta yetishtirish uchun 70,3 mlrd. so`m imtiyozli kredit mablag`lari ajratildi.
Fermer xo`jaliklari bilan MTPlar birlashmasi tomonidan 7238 ta shartnomalar tuzilib, 7,4 mlrd. so`mlik qishloq xo`jalik va mexanizasiya ishlari bajarildi. 
Fermer xo`jaliklariga shartnoma asosida g`alla yetishtirish uchun 13276,6 tonna azotli, 4150,8 tonna fosforli, 38,2 tonna kaliyli o`g`itlar hamda paxta yetishtirish uchun 24758 tonna azotli, 6204,2 tonna fosforli, 352,5 tonna kaliyli o`g`itlar yetkazib berildi.
Viloyatda 2008 yilda 697,2 ming tonna boshoqli don ishlab chiqarish rejalashtirilgan bo`lib, xaqiqatda 705,7 ming tonna ishlab chiqarildi (rejaga nisbatan 101,2 foiz). Davlatga boshoqli don sotish rejasi 284,3 ming tonna bo`lib, xaqiqatda 284,5 ming tonna sotildi va shartnomaviy reja 100,1 foizga bajarildi. 
2008 yilda 323,0 ming tonna paxta yetishtirish rejalashtirilgan bo`lib, xaqiqatda 272,8 ming tonnani tashkil etdi va shartnomaviy reja 84,5 foizga bajarildi. 
Joriy yilda barcha toifadagi xo`jaliklarda 135,8 ming tonna kartoshka, 384,1 ming tonna sabzavot, 27,7 ming tonna poliz, 199,3 ming tonna xo`l meva, 56,4 ming tonna uzum mahsulotlari ishlab chiqarildi.
Viloyatda 85,2 ming tonna go`sht (107,3%), 509,3 ming tonna sut (106,7%), 135,0 mln. dona tuxum (109,9%), 729,4 tonna jun (110,6%), 2351,4 tonna pilla yetishtirildi.
Barcha toifadagi xo`jaliklarda 619,4 ming bosh qoramol, shu jumladan 260,1 ming bosh sigir, 533,7 ming bosh qo`y-echki, 1827,4 ming bosh parranda, 4,3 ming bosh cho`chqa, 5,7 ming bosh otlar parvarish qilinmoqda.
2008 yil mobaynida 10 ta TL-5060, 3 ta MXM-140, 164 ta TTZ rusumli traktorlari, 26 ta RMU -0.5, 17 ta OVX-600, 53 ta KU-4VM, 4 KIR 1.5, 6 ta presep, 17 ta SChX-4B, 34 ta ORPD 12M, 7 ta aug agregatlari jami bo`lib 369 ta traktorlar va mexanizmlar olib kelinib xo`jaliklarga moliyaviy lizingga berildi. 
V. Uy-joy va kommunal xo`jaligidagi islohotlar
2008 yilda 1991 yilgacha qurilgan 332 ta ko`p qavatli uylarni mukammal ta'mirlash uchun 3,7 mlrd. so`m mablag` ajratilgan, shundan byudjet mablag`lari hisobidan 2,6 mlrd. so`m, byudjetdan tashqari mablag`lar hisobidan 896,0 mln. so`m va homiylar hisobidan 224,0 mln. so`m mablag` o`zlashtirilishi rejalashtirilgan. Joriy yilda ko`p qavatli uylarni mukammal ta'mirlash ishlariga 3,5 mlrd. so`m mablag` sarf qilingan, shundan byudjet hisobidan 2,5 mlrd. so`m sarflanib, 332 ta ko`p qavatli uylarda mukammal ta'mirlash ishlari yakunlanib foydalanishga topshirildi.
O`zbekiston Respublikasi Vazirlar Mahkamasining 2003 yil 17 sentyabrdagi "Qishloq aholi yashash joylarini ichimlik suv va tabiiy gaz bilan ta'minlashni yanada yaxshilash chora-tadbirlari to`g`risida"gi 405-sonli qarorini bajarish maqsadida, viloyat hokimining 2008 yilning 30 yanvardagi 25 sonli qarori ishlab chiqilgan. Mazkur qarorga asosan, 21 ta qishloq aholi yashash punktlarini ichimlik suv bilan ta'minlash va 203 km. ichimlik suv tarmoqlari tortish uchun 2,1 mlrd. so`m mablag` 
o`zlashtirilishi belgilangan. 
Xisobot davrida haqiqatda 206,7 km. tarmoq va 21 ta tik quduqlar qazishga jami 2,2 mlrd. so`m mablag`lar o`zlashtirildi. Shundan byudjet hisobidan 1,4 mlrd. so`mga 16,1 km. ichimlik suv tarmoqlari va 21 ta tik quduqlar qazilib foydalanishga topshirildi.
Viloyatda 88,3 km. tabiiy gaz tarmoqlarini tortish uchun 635,8 mln. so`m mablag` o`zlashtirilishi belgilangan bo`lib, haqiqatda 109,3 km. tarmoq tortilib, 819,8 mln. so`m korxona va aholi mablag`lari sarflandi.
Vazirlar Mahkamasining 08.08.2006 yil 166-sonli "O`zbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash" investisiya loyihasiga asosan 2008 yilda 17860 ta sovuq suv va 3257 ta issiq suv hisoblagichlarini kredit mablag`lari hal bo`lgandan so`ng o`rnatish ishlari boshlanadi.

Hisobot davrida dastlabki ma'lumotlarga ko`ra viloyat xo`jalik sub'ektlarining tashqi savdo aylanmasi 829,7 mln. AQSh dollarini, shundan eksport 519,9 mln. AQSh dollarini, import esa 309,8 mln. AQSh dollarni tashkil etdi. Tashqi savdo aylanmasi saldosi ijobiy ko`rsatkich 210,0 mln. AQSh dollardan iborat bo`ldi. 
O`tgan yilga nisbatan viloyat tashqi savdo aylanmasi 2,2 foizga, importi 15,9 foizga pasaydi, mahsulot eksporti 8,4 foizga o`sdi.
Eksport tuzilmasida asosiy ulushlarni energiya beruvchi yoqilg`i mahsulotlari (33,5%), paxtadan tayyorlangan mahsulotlar (26,7%), paxta tolasi (17,4%), kimyoviy mahsulotlar (10,1%), oziq-ovqat mahsulotlari (9,8%), mashina va uskunalar (2%) tashkil etdi. 
Shuningdek, o`tgan yilga nisbatan, kimyoviy mahsulotlar (9,5%), yoqilg`i beruvchi mahsulotlar (13,8%), paxtadan tayyorlangan mahsulotlar (12%), oziq-ovqat mahsulotlari (5,8%) va xizmatlar eksporti (6,7 marta) ortdi. 
Eksport tarkibida tayyor va yarim tayyor mahsulotlar ulushi 82,6% ni tashkil etib, o`tgan yilga nisbatan 11,6% ga ko`paydi.
Eksport hajmida mashina va uskunalar eksporti 6,5 foizga, paxta tolasi 4,7 foizga pasayishi kuzatildi. Paxta tolasi narxining jahon bozorlarida tushib ketishi, ayrim korxonalar tomonidan mashina va uskunalarni reeksport qilinishi hisobiga bu ko`rsatkichlarda o`sish bo`lmadi. 
Import tuzilmasida esa asosiy ulushlarni energiya beruvchi yoqilg`ilar (36,7%), mashina va uskunalar (22%), boshqa turdagi mahsulotlar (16,4%), kimyoviy mahsulotlar (11,8%), qora va rangli metallar (5,9%), oziq-ovqat mahsulotlari (6%) tashkil qildi.
2007 yilga nisbatan mashina va uskunalar importi 28,4 foizga, boshqa turdagi mahsulotlar 12,1 foizga va oziq-ovqat mahsulotlari importi 46,7 foizga o`sdi, lekin energiya resurslari 38,7% ga, ximiya sanoati mahsulotlari 15,7% ga, qora va rangli metallar importi 14% ga kamaydi.
Viloyatdagi yirik sanoat korxonalarida eksporti hajmi o`tgan yilga nisbatan FNQIZda 27,5% ga, "Farg`onaazot" OAJ da 7,1% ga, "Evroosiyo TAPO Disk" QK sida 12,4%, "Avtooyna" OAJ da 9,9%ga, "Margilantekstil" QK da 28,6%ga, "Quva" AJ da 29,5% ko`payishiga erishildi. 
Viloyat tasarrufidagi korxonalarning eksport istiqbol rejasi 24,9 mln. AQSh dollari hajmida belgilangan bo`lib, amalda 36,2 mln. AQSh dollarni tashkil etdi va eksport istiqbol rejasi 145,4 foizga bajarildi. Shuningdek, o`tgan yilga nisbatan bu korxonalar eksporti hajmining 21,9 foizga o`sishga erishildi.
Belgilangan eksport istiqbolini bajarilishi asosan "Forsaj oyl" (3,4 m), "Loretta" XF (3 m), "Berga servis" (2,3 m), "Feyxanteks" (199,6%) "Chashma" (179,2%), "Uznasferdortexsnabkompaniya" (103,1%), "Fag`onastroyblok" MPF (186,6%), "Vodiy Toshloktekstil" MChJ (118,7%) "Ferkotton" XF (163,5%) "Farg`ona Matlubotsavdo" AK (113,2%), "Farg`ona ulgurjisavdo invest" MChJ (136,7%) va "Pluton Merkuriy" MChJ (104,3%) kabi korxonalar hisobiga ta'minlandi. 
Viloyat kichik tadbirkorlik korxonalari jami tashqi savdo aylanmasi 191,7 ming AQSh dollar, shundan mahsulot eksporti 91,9 mln. AQSh dollarni, importi 99,8 mln. AQSh dollarni tashkil qildi.
Bu korxonalarning mahsulot eksporti hajmi o`tgan yilga nisbatan 20,1%ga, importi 47% ga ko`paydi, viloyat yalpi eksportidagi ulushi 17,7% dan, importidagi ulushi esa 32,2% dan iborat bo`ldi.
Tashqi savdo aloqalari jahonning 56 ta davlatlari bilan jumladan, 14 ta MDH davlatlari va 42 ta Uzoq xorij va Boltiqbo`yi davlatlari bilan amalga oshirilib, 50 turdan ortiq mahsulotlar eksport qilindi. 
Uzoq xorij va Boltiqbo`yi mamlakatlari bilan tashqi savdo aylanmasi 452,5 mln. AQSh dollarni, shu jumladan mahsulot eksporti 348,6 mln. AQSh dollarni, importi 103,9 mln. AQSh dollarni tashkil qildi, tashqi savdo aylanmasi saldosi ijobiy bo`lib 244,6 mln. AQSh dollarni tashkil etdi.
O`tgan yilga nisbatan tashqi savdo aylanmasi o`sish sur'ati 113,6% ni, shu jumladan mahsulot eksporti 111% ni, importi 123,2% ni tashkil etdi.
Xamdo`stlik mamlakatlari bilan tashqi savdo aylanmasi 377,2 mln. AQSh dollarni, shu jumladan mahsulot eksporti 171,3 mln. AQSh dollarni, importi 205,9 mln. AQSh dollarni tashkil qildi. Bu davlatlar bilan mahsulot eksporti 3,4% ga ko`paydi, tashki savdo aylanmasi 16,1 %ga, mahsulot importi esa 27,5 % ga kamaydi.
Hisobot davrida tashqi bozorga eshitish apparati, cherepisa, oltingugurt va gips kabi yangi turdagi mahsulotlar eksport qilindi.
Viloyatda jami ro`yhatdan o`tgan horijiy investisiyalar ishtirokidagi korxonalar soni 91 tani (shu jumladan 79 ta qo`shma korxona, 12 ta horijiy korxona) tashkil etdi, bu korxonalardan 83 tasi faoliyat ko`rsatdi.
Faoliyat ko`rsatayotgan horijiy investisiya ishtirokidagi korxonalardan 73 tasi mahsulot ishlab chiqarish, 4 tasi savdo-vositachilik va 6 tasi xizmat ko`rsatish bo`yicha faoliyat ko`rsatmoqda.
Faoliyat ko`rsatib kelayotgan horijiy investisiya ishtirokidagi korxonalarning ishlab chiqarish, savdo va xizmatlar hajmi 326,3 mlrd. so`mni yoki o`tgan yilga nisbatan 101,2 foizni tashkil etadi. 
Ularning tashqi savdo aylanmasi 134,9 mln. AQSh dollar, shu jumladan eksporti 97,2 mln. AQSh dollar, importi 37,6 mln. AQSh dollardan iborat bo`ldi.
O`tgan yilga nisbatan tashqi savdo aylanmasi 85,1% ni, mahsulot eksporti 94,3%, importi esa 67,9% ni tashkil etdi. Viloyat tashqi savdo aylanmasidagi ulushi 16,3% ni, eksportdagi ulushi 18,7% ni va importdagi ulushi 12,1% ni tashkil etdi.
Joriy yilda viloyatga to`g`ridan-to`g`ri horijiy investisiyalarni jalb etish hisobiga, qurilish materiallari, to`qimachilik va tikuvchilik, plastmassa, polietilen, sut mahsulotlari, ip kalava va mato ishlab chiqarish hamda yog`ochni qayta ishlash sohalariga investisiyalar kiritildi. 
Natijada, hisobot davrida viloyat xududlarida jami 12 ta (jumladan Farg`ona shahrida 4 ta, Qo`qon shahrida 2 ta, Marg`ilon shahrida 1 ta, Farg`ona tumanida 1 ta, Quva tumanida 2 ta, Rishton va Bog`dod tumanida 1 tadan) horijiy investisiya ishtirokidagi korxonalar tashkil etildi.
Shu jumladan, Marg`ilon shahrida ayollar paltosi ishlab chiqarishga ixtisoslashgan O`zbekiston-Xitoy "Narimteks", tikuvchilikka ixtisoslashgan Turkiyaning "Orshax ev tekstil", Farg`ona shahrida plastmassa buyumlar ishlab chiqaruvchi O`zbekiston-Qirg`iziston "Farg`ona plast inves", ulgurji savdo bilan shug`ullanuvchi O`zbekiston-Rossiya "Rik trading", qurilish materiallari ishlab chiqaruvchi "Fardo-Fen", O`zbekiston-Turkiya kalava ip ishlab chiqaruvchi "Orshaxev tekstil" Qo`qon shahrida sut mahsulotlari ishlab chiqaruvchi Rossiyaning "Qo`qon sut mahsulotlari", O`zbekiston-Xitoy "Emango group", Quva tumanida plombalar ishlab chiqarishga ixtisoslashgan O`zbekiston-Qirg`iziston "UTI plomba", yog`ochlarni qayta ishlashga ixtisoslashgan O`zbekiston-Rossiya "Krass Fer Mos", Farg`ona tumanida cherepisa va keramik plitalar ishlab chiqarishga ixtisoslashgan O`zbekiston-Xitoy "V&B Chemical", Rishton tumanida kalava ip ishlab chiqaruvchi "RusO`zbekteks" va Bog`dod tumanida O`zbekiston-Iordaniya "Fergana Spining" qo`shma korxonalari. 
Yangi horijiy investisiya ishtirokidagi korxonalar tashkil etish hisobiga viloyat hududlariga jami 4,8 mln. AQSh dollari miqdorida to`g`ridan-to`g`ri horijiy investisiya kiritildi va bu korxonalarda jami 506 ta yangi ish o`rni yaratildi. 
Horijiy investisiyalar jalb etish va yangi texnologiyalarni joriy qilish hisobiga yuqori kalava ip eksportbop matolar ishlab chiqarish ko`paydi, natijada yengil sanoat korxonalarining eksport imkoniyatlarini ortishiga va valyuta tushumining ko`payishiga erishildi. 
Hisobot davrida viloyatda ko`p yillardan buyon faoliyat ko`rsatmay kelayotgan 10 ta qo`shma korxona Davlat ro`yxatidan chiqarildi. Bular, Marg`ilon shahridagi O`zbekiston-Britaniya "Farg`ona sut", Farg`ona shahridagi O`zbekiston-Xitoy "Yurtim TSK", O`zbekiston-Xitoy "Ferteks interneyshnl LTD", O`zbekiston-Xitoy "Pan-A-Charm", Rossiyaning "Rik Trading" horijiy korxonasi, O`zbekiston-Xitoy "Nimfey Plyus" Quvasoy shahridagi O`zbekiston-Angliya "Fergana Glass", Qo`qon shahridagi O`zbekiston-Turkiya "Al Plastik Ko" va O`zbekiston-Rossiya "Omad ASG" va Dang`ara tumanidagi "Lokomotiv Dizel Servis" qo`shma korxonalaridir.
Horijiy investisiya ishtirokidagi korxonalarning faoliyatiga asosan ayrim korxonalarda mablag`lar olingan kreditlarni qaytarishga sarflanishi natijasida aylanma mablag`larni yetishmasligi, yangi tashkil etilayotgan korxonalarni nizom jamg`armalarini shakllantirilish muddatlarining kechikib ketishi va rejalashtirilgan muddatlarda faoliyatini boshlamasligi natijasida korxonani qisqa vaqtlarda inqirozga uchrashi, loyixalarning iqtisodiy asoslovlarini mukammal ishlab chiqilmaganligi, ayniqsa elektr va gaz ta'minotidagi uzulishlar salbiy ta'sir kўrsatmoqda. 
Masalan: Texnik iqtisodiy asoslovlari marketing tadqiqotlari asosida puxta ishlab chiqilmagan qo`shma korxonalar nizom jamg`armalarini to`liq shakllantirmasdan turib, qisqa muddatda inqirozga yuz tutmoqda, natijada viloyatda hisobot davrida 10 ta qo`shma korxona faoliyati tugatildi.
Yangi tashkil etilgan qo`shma korxonalar horijiy ta'sischilari tomonidan, belgilangan 1 yil muddatda nizom jamgarmalarini shakllantirmaslik holatlarining ko`payib ketayotganligi ham viloyatda faoliyat ko`rsatmayotgan horijiy investisiya ishtirokidagi korxonalar sonining sun`iy ravishda ortishiga olib kelmoqda. Masalan: "KazShorsuKon", "Poytaxt Plyus Rus", "San Valley Jyus", "Verona Fergana" kabi qo`shma korxonalar qonunchilikda belgilangan muddatlarda va berilgan qo`shimcha muddatda ham nizom jamg`armasini shakllantira olmasdan kelmoqda.

Aholi va bandlik. Viloyatda iqtisodiy islohotlarni jadallashtirish bo`yicha amalga oshirilayotgan ishlar natijasida iqtisodiyotda band bo`lganlar soni o`sib bormoqda. Bu ko`rsatkich o`tgan yilning mos davriga nisbatan 3,1 foizga o`sib, 1280,1 ming kishini tashkil qildi. 
Aholini ish bilan band etish dasturiga asosan, hisobot davrida 63286 ta yangi ish o`rinlari yaratildi. Bu ko`rsatkich o`tgan yilning mos davriga nisbatan 101,4 foizni, rejaga nisbatan esa 110,4 foizni (qishloq joylarda 39476 ta 111%) tashkil qilmoqda. 
2008 yil davomida ish axtaruvchi sifatida jami 73203 nafar fuqarolar ro`yxatga olindi, shundan 64779 nafari ishga joylashtirildi, 1061 nafar fuqarolarga esa ishsizlik maqomi berildi.
Korxonalar bilan kooperasiya asosida uy mehnatini tashkil qilish hisobiga dasturni bajarish natijalari bo`yicha jami korxonalarda 10737 ta mehnatga layoqatli aholini bandligi ta'minlandi, shundan 5454 tasini (50.8%) ayollar tashkil etadi.
Aholining pul daromadlari 1863,2 mlrd. so`mni tashkil qilib, o`tgan yilning shu davriga nisbatan 127,7% ga, jon boshiga daromadlar esa 621,6 ming so`mni tashkil qilib, o`tgan yilning shu davriga nisbatan 125,4% ga oshdi. Aholi daromadlarining ko`payishi asosan uning tarkibidagi ish haqini, qishloq xo`jaligi mahsulotlari sotishdan tushgan daromad va tadbirkorlikdan olingan daromad evaziga ta'minlandi.
Aholining pul harajatlari esa 1725,6 mlrd. so`mni tashkil qilib, o`tgan yilning shu davriga nisbatan 124,6%, jon boshiga harajatlar esa 575,7 ming so`mni tashkil qildi va o`tgan yilning shu davriga nisbatan 122,4% ga ko`paydi. 
Hisobot davrida viloyat bo`yicha o`rtacha ish haqi 357,7 ming so`m bo`lib, o`tgan yilga nisbatan 50 foizga o`sganligi qayd etildi.
Xalq ta'limi. 2007-2008 o`quv yilida viloyatda 917 ta umumta'lim maktablari faoliyat ko`rsatmoqda va ularda 45499 nafar pedagog xodimlar 588627 nafar o`quvchilarga ta'lim bermoqda.
Viloyatda 96,8 ming o`ringa ega bo`lgan jami 878 ta maktabgacha tarbiya muassasalari faoliyat ko`rsatmoqda, ularda 70 ming nafar bolalar tarbiyalanmoqda.
"Kadrlar tayyorlash milliy dasturi" ning II-bosqichidagi vazifalar bosqichma-bosqich amalga oshirilmoqda. Viloyatda ijtimoiy-iqtisodiy sharoitlarni real o`zgarib borishi, mehnat bozorining takomillashtirilishi, shuningdek, bu sohada yig`ilgan tajribaga asoslanib, akademik lisey va kasb-hunar kollejlari barpo etilib, ularning moddiy-texnika bazasi zamon talabi darajasida ta'minlanmoqda.
2006-2007 o`quv yilida kasb-hunar kollejlari soni 108 ta bo`lgan bo`lsa, 2007-2008 o`quv yilida ularning soni 120 taga, ularda ta'lim olayotgan o`quvchilar soni esa 116061 nafardan 133976 nafarga yetdi. 
Joriy yilda 9 ta akademik lisey faoliyat ko`rsatmoqda. Bu o`quv muassasalarida 2007-2008 o`quv yilida 6013 nafar o`quvchi ta'lim olgan bo`lsa, joriy o`quv yilida o`quvchilar soni 7014 nafarga yetdi. 
Akademik liseylar zamonaviy kompyuter texnikasi va o`quv jihozlari bilan to`liq ta'minlangan.
Sog`liqni saqlash. Viloyatda sog`liqni saqlash tizimini bosqichma-bosqich isloh qilish Dasturi amalga oshirilmoqda. Dasturni amalga oshirish jarayonida birinchi e'tibor, aholiga birlamchi tibbiy xizmat ko`rsatish sifatini yaxshilashga qaratilmoqda.
Hozirgi kunda viloyatda 13800 o`ringa ega bo`lgan 120 ta ta shifoxonalar, bir smenada 43 ming quvvatga ega bo`lgan 456 ta ambulatoriya-poliklinika muassasalari mavjud bo`lib, ularda jami 6,6 ming nafar vrachlar, 34,6 ming nafar o`rta tibbiy xodimlar faoliyat ko`rsatmoqda. 
Nodavlat shifoxonalar soni o`tgan yili 33 ta bo`lgan bo`lsa, joriy yilda ularning soni 40 taga yetdi. 
Nodavlat tibbiy muassasalar soni esa 215 taga, yakka tartibda tibbiy mehnat faoliyati bilan shug`ullanuvchi vrachlar soni 203 nafarga yetdi. Pullik tibbiy xizmat olgan shaxslar soni joriy yilda 1712 ming nafarni tashkil etdi. Natijada pulli tibbiy xizmat ko`rsatish hajmi 10081 mln. so`mdan 20005,4 so`mga yetdi.
Madaniyat va turizm. Viloyatda 8684,9 ming nusxa kitob fondiga ega bo`lgan 1593 ta kutubxonalar va 32,8 ming o`ringa ega bo`lgan 174 ta klub, 4 ta teatr, 13 ta muzeylar faoliyat ko`rsatmoqda. 
Viloyatda 6 ta mexmonxona mavjud bo`lib, ushbu mexmonxonalar xizmatidan foydalanganlar soni joriy yilda 26,6 ming kishini tashkil etdi. Ularning 4746 nafari chet ellik sayyoxlarni tashkil etadi. 
Natijada ushbu faoliyat xizmatidan tushgan daromad o`tgan yilda 1915,3 mln. so`m bo`lgan bo`lsa, joriy yilda bu ko`rsatkich 2600,5 mln. so`mni tashkil etdi yoki 685,2 mln. so`mga ko`p demakdir. 
Jismoniy tarbiya va sportni rivojlantirish bo`yicha viloyatda bir qator tadbirlar amalga oshirildi. 
Natijada sport inshootlari soni 5281 tadan 5296 taga, sport bilan muntazam shug`ullanuvchilar soni 778,8 ming kishiga yetdi. 
Atrof-muhitni muhofaza qilish. Harakatlanuvchi vositalar tomonidan atmosferaga chiqarilgan iflos moddalar miqdori joriy yilda 134,4 ming tonnani tashkil etdi. Suvdan oqilona foydalanish limiti joriy yilda 2923 mln. m<sup>3</sup> ni, suv aylanish hajmi esa 637 mln. m<sup>3</sup> ni tashkil etdi.
Tuproq rekul'tivasiyasi 2007 yilda 60 gektar bo`lgan bo`lsa, joriy yilda bu ko`rsatkich 65 gektarni, qishloq jo`jalik ekinlarini zararkunandalar va kasalliklardan biologik usul orqali himoya qilish joriy yilda 2091,9 ming gektarni tashkil etdi.
"Yoshlar yili" Davlat dasturi. O`zbekiston Respublikasi Prezidentining 2008 yil 29 fevraldagi "Yoshlar yili" Davlat dasturi to`g`risida"gi PQ-805 sonli qarori asosida Farg`ona viloyatida keng ko`lamli ishlar oshirildi. 
Farg`ona Neftni Qayta ishlash zavodi mablag`lari hisobidan Farg`ona shaharidagi 48 xonadonli 2 ta uy 3 mlrd. 300 mln so`m mablag` sarflanib mukammal ta'mirlandi va joriy yilning sentyabr oyida foydalanishga topshirildi. Qo`qon shahar A.Ho`qandiy ko`chasida joylashgan har biri 32 xonadonli bolgan 2 ta uy homiylar hisobidan qurib bitkazilib, 2008 yil "Navro`z" bayrami arafasida yosh oilalarga berildi. 
2008 yil 26 aprel kuni Yoshlar madaniyat va sport majmuasida kam ta'minlangan va iqtidorli 14 nafar talabalarga "Kamolot" YoIH stipendiyalari topshirildi. Kasb-hunar kollejlarida taxsil olayotgan 91 nafar iqtidorli o`quvchilar 52 ming so`mdan moddiy rag`batlantirildi.
Joriy yilda "Salomatlik-2" loyihasi asosida 42 ta QVPlar 1256 mln so`mlik zamonaviy asbob-anjomlar bilan ta'minlandi.
Dastur asosida 228 nafar kam ta'minlangan oilali yosh o`qituvchilarga uy-joy qurish uchun yer uchastkalari ajratildi.
Yil davomida "Yoshlar yili" Davlat dasturi chora-tadbirlarining amalga oshirilishi uchun 85,9 mlrd. so`m mablag` sarflandi yoki yillik rejaga nisbatan 104,7 foizni tashkil etdi.