|
|||||||||||||||||||||||
|
2010 YIL - "BARKAMOL AVLOD YILI""Barkamol avlod yili" Davlat dasturi to'g'risida" O'zbekiston Respublikasi Prezidentining Qarori.
Mamlakatimizda sog'lom va barkamol avlodni tarbiyalash, yoshlarning o'z ijodiy va intellektual salohiyatini ro'yobga chiqarishi, mamlakatimiz yigit-qizlarini XXI asr talablariga to'liq javob beradigan har tomonlama rivojlangan shaxslar etib voyaga yetkazish uchun zarur shart-sharoitlar va imkoniyatlarni yaratish bo'yicha keng ko'lamli aniq yo'naltirilgan chora-tadbirlarni amalga oshirish maqsadida, shuningdek, O'zbekiston Respublikasida 2010 yilning "Barkamol avlod yili" deb e'lon qilingani munosabati bilan: 1. "Barkamol avlod yili" Davlat dasturi tasdiqlansin. Unda quyidagilar asosiy vazifalar etib belgilansin: bolalar va yoshlarning huquq va manfaatlarini himoya qilishga, ularni barkamol rivojlantirishning huquqiy asoslarini mustahkamlashga qaratilgan me'yoriy-huquqiy bazani takomillashtirish, amaldagi qonunchilik hamda me'yoriy hujjatlarga zamon talablariga mos o'zgartirish va qo'shimchalar kiritish; "Sog'lom ona - sog'lom bola" dasturini izchil amalga oshirish asosida sog'lom avlodni voyaga yetkazish borasidagi chora-tadbirlarni yanada kuchaytirish, onalar va bolalarning reproduktiv salomatligini muhofaza qilish tizimini takomillashtirish, profilaktikaga asoslangan sog'liqni saqlash tizimini ustuvor rivojlantirish, tibbiy xizmat moddiy-texnika bazasini mustahkamlash, sog'lom bolalar tug'ilishi va ularni tarbiyalash bilan bog'liq masalalar yuzasidan aholi o'rtasida tushuntirish hamda maslahat ishlarini kuchaytirish; tayyorlanayotgan mutaxassislarga real iqtisodiyot tarmoqlari va sohalaridagi mavjud talabga alohida e'tibor qaratgan holda, o'sib kelayotgan yosh avlodga ta'lim va tarbiya berish sohasidagi moddiy-texnika bazani yanada mustahkamlash, undan oqilona va samarali foydalanishni ta'minlash, davlat ta'lim standartlari, o'quv dasturlari va o'quv-uslubiy adabiyotlarni takomillashtirish; ta'lim jarayoniga yangi axborot-kommunikatsiya va pedagogik texnologiyalarni, elektron darsliklar, multimedia vositalarini keng joriy etish orqali mamlakatimiz maktablarida, kasb-hunar kollejlari, litseylari va oliy o'quv yurtlarida o'qitish sifatini tubdan yaxshilash, ta'lim muassasalarining o'quv-laboratoriya bazasini zamonaviy turdagi o'quv va laboratoriya uskunalari, kompyuter texnikasi bilan mustahkamlash, shuningdek, o'qituvchilar va murabbiylar mehnatini moddiy hamda ma'naviy rag'batlantirish bo'yicha samarali tizimni yanada rivojlantirish; zamonaviy axborot va kommunikatsiya texnologiyalari, raqamli va keng formatli telekommunikatsiya aloqa vositalari hamda Internet tizimini yanada rivojlantirish, ularni har bir oila hayotiga joriy etish va keng o'zlashtirish; yosh avlodni jismonan barkamol etib tarbiyalash, bolalar sportini rivojlantirish sohasida, yoshlarni, ayniqsa, qishloq qizlarini sport bilan muntazam shug'ullanishga keng jalb etish, yangi sport majmualarini, stadionlar va inshootlarni qurish, ularni zamonaviy sport anjomlari va jihozlari bilan ta'minlash, yuqori malakali ustoz va murabbiylar bilan mustahkamlash bo'yicha amalga oshirilayotgan ishlarni izchil kuchaytirish; iqtisodiyotni tarkibiy o'zgartirishning muhim yo'nalishi, aholi va o'rta sinf mulkdorlari daromadlarini shakllantirish asosi bo'lgan kichik biznes hamda xususiy tadbirkorlikni rivojlantirishni yanada rag'batlantirish, bu sohadagi mavjud muammolarni hal etish, yoshlar, avvalambor, kasb-hunar kollejlari va oliy ta'lim muassasalari bitiruvchilarini, ayniqsa, qishloq joylarda tadbirkorlik faoliyatiga keng jalb etish uchun sharoit yaratish; ilm-fanni yanada rivojlantirish, iqtidorli va qobiliyatli yoshlarni ilmiy faoliyatga keng jalb etish, ularning o'z ijodiy va intellektual salohiyatini ro'yobga chiqarishi uchun sharoit yaratishga doir kompleks chora-tadbirlarni ishlab chiqish; yosh oilalarga g'amxo'rlik qilish ishlarini kuchaytirish, ularni huquqiy va ijtimoiy muhofaza qilishni ta'minlash, jismonan va har tomonlama rivojlangan barkamol avlodni milliy va umuminsoniy qadriyatlar hamda Vatanga muhabbat ruhida tarbiyalash borasida jamiyatning muhim bo'g'ini bo'lgan sog'lom va mustahkam oilani shakllantirish uchun zarur shart-sharoitlarni yaratish; yoshlar o'rtasida sog'lom turmush tarzini qaror toptirish, ularni ichkilikbozlik va giyohvandlik illatlaridan, boshqa turli halokatli tahdidlar hamda biz uchun yot bo'lgan diniy va ekstremistik ta'sirlardan, tuban "ommaviy madaniyat" xurujlaridan himoya qilishga doir kompleks chora-tadbirlarni amalga oshirish. 2. O'zbekiston Respublikasi Prezidentining 2009 yil 9 dekabrdagi 3329-farmoyishiga binoan tuzilgan Respublika komissiyasiga "Barkamol avlod yili" Davlat dasturi bajarilishini tashkil etish va uning ijrosi monitoringini amalga oshirish vazifasi yuklansin. 3. "Barkamol avlod yili" Davlat dasturini amalga oshirish bo'yicha Respublika komissiyasi (SH.M.Mirziyoyev): ikki hafta muddatda vazirliklar, idoralar, xo'jalik birlashmalari, jamoat tashkilotlari, Qoraqalpog'iston Respublikasi Vazirlar Kengashi, viloyatlar va Toshkent shahar hokimliklari tomonidan har bir vazirlik, idora, mintaqa, shahar, tuman va aholi punkti bo'yicha hududlar hamda tarmoqlarga oid "Barkamol avlod yili" dasturlari ishlab chiqilishi va qabul qilinishini ta'minlasin; mazkur Dasturning bo'limlari va bandlarini davlat hamda xo'jalik boshqaruvi respublika organlari, mahalliy davlat hokimiyati organlari va boshqa tashkilotlar darajasida to'liq va o'z vaqtida bajarish ishlarini muvofiqlashtirsin, Dasturga kiritilgan tadbirlarning amalga oshirilishi ustidan tizimli nazorat o'rnatsin; O'zbekiston Respublikasi Prezidenti Devoniga har chorak yakuni bo'yicha "Barkamol avlod yili" Davlat dasturida tasdiqlangan tadbirlarning bajarilishi to'g'risida axborot taqdim etsin. 4. O'zbekiston Respublikasi Vazirlar Mahkamasi (SH.M.Mirziyoyev) Qoraqalpog'iston Respublikasi, viloyatlar, Toshkent shahri va tumanlar (shaharlar)da Qoraqalpog'iston Respublikasi Vazirlar Kengashi Raisi va tegishli hududlar hokimlari rahbarligida Dasturni amalga oshirish bo'yicha tegishli komissiyalar tashkil etilishini ta'minlasin, ularning zimmasiga Dasturda ko'zda tutilgan tadbirlarni so'zsiz va to'liq amalga oshirish bo'yicha shaxsiy javobgarlik yuklasin. 5. O'zbekiston matbuot va axborot agentligi, O'zbekiston Milliy axborot agentligi, Milliy teleradiokompaniyasi va boshqa ommaviy axborot vositalari: aholi, ayniqsa, yoshlar o'rtasida "Barkamol avlod yili" Davlat dasturining maqsad va vazifalarini keng tushuntirish; Dasturning amalga oshirilishi to'g'risida muntazam axborot berib borish, davlat va xo'jalik boshqaruvi organlari, joylardagi davlat hokimiyati organlari, jamoat va nohukumat tashkilotlarning Dasturda ko'zda tutilgan tadbirlarni amalga oshirish bo'yicha qo'shgan amaliy hissasini yoritishni ta'minlasin. 6. Mazkur qaror ijrosini nazorat qilish O'zbekiston Respublikasi Bosh vaziri SH.M.Mirziyoyev zimmasiga yuklansin. O'zbekiston Respublikasi Prezidenti I.Karimov Toshkent shahri, 2010 yil 27 yanvar 2010 йил 12 феврал 50
Ўзбекистон Республикаси Президентининг 2010 йил 27 январдаги «Баркамол авлод йили» Давлат дастури тўғрисида"ги ПҚ-1271-сонли қарори ҳақида
Мамлакатимизда соғлом ва баркамол авлодни тарбиялаш, ёшларнинг ўз ижодий ва интеллектуал салоҳиятини рўёбга чиқариши, йигит-қизларни ХХI аср талабларига тўлиқ жавоб берадиган ҳар томонлама етук шахслар этиб вояга етказиш учун зарур шарт-шароитлар ва имкониятларни яратиш бўйича кенг кўламли аниқ йўналтирилган чора-тадбирларни амалга ошириш шунингдек, Ўзбекистон Республикаси Президентининг 2010 йил 27 январдаги «Баркамол авлод йили» Давлат дастури тўғрисида"ги ПҚ-1271-сонли қарорининг бажарилишини таъминлаш мақсадида
Қ А Р О Р Қ И Л А М А Н:
1. Ўзбекистон Республикаси Президентининг 2010 йил 27 январдаги «Баркамол авлод йили» Давлат дастури тўғрисида"ги ПҚ-1271-сонли қарори раҳбарлик ва ижро учун қабул қилинсин. 2. Шаҳар, туман ҳокимликлари, бошқармалар, корхоналар ва идоралар, жамоат ташкилотлари ҳамда хайрия жамғармалари билан биргаликда ишлаб чиқилган «Баркамол авлод йили» вилоят ҳудудий дастури 1-иловага мувофиқ тасдиқлансин. Унда қуйидагилар асосий вазифалар этиб белгилансин: - болалар ва ёшларнинг ҳуқуқ ва манфаатларини ҳимоя қилишга, уларни баркамол ривожлантиришнинг ҳуқуқий асосларини мустаҳкамлашга қаратилган меъёрий-ҳуқуқий базани такомиллаштириш, амалдаги қонунчилик ҳамда меъёрий ҳужжатларга замон талабларига мос ўзгартириш ва қўшимчалар киритиш; - "Соғлом она - соғлом бола" дастурини изчил амалга ошириш асосида соғлом авлодни вояга етказиш борасидаги чора-тадбирларни янада кучайтириш, оналар ва болаларнинг репродуктив саломатлигини муҳофаза қилиш тизимини такомиллаштириш, профилактикага асосланган соғликни сақлаш тизимини ривожлантириш, тиббий хизмат моддий-техника базасини мустаҳкамлаш, соғлом болалар туғилиши ва уларни тарбиялаш билан боғлиқ масалалар юзасидан аҳоли ўртасида тушунтириш ҳамда маслаҳат ишларини кучайтириш; - тайёрланаётган мутахассисларга реал иқтисодиёт тармоқлари ва соҳаларидаги мавжуд талабга алоҳида эътибор қаратган ҳолда, ўсиб келаётган ёш авлодга таълим ва тарбия бериш соҳасидаги моддий-техника базани янада мустаҳкамлаш, ундан оқилона ва самарали фойдаланишни таъминлаш, давлат таълим стандартлари, ўқув дастурлари ва ўқув-услубий адабиётларни такомиллаштириш; - таълим жараёнига янги ахборот-коммуникация ва педагогик технологияларни, электрон дарсликлар, мультимедиа воситаларини кенг жорий этиш орқали вилоятимиз мактабларида, касб-ҳунар коллежлари, лицейлари ва олий ўқув юртларида ўқитиш сифатини тубдан яхшилаш, таълим муассасаларининг ўқув-лаборатория базасини замонавий турдаги ўқув ва лаборатория ускуналари, компьютер техникаси билан таъминлаш, шунингдек, ўқитувчилар ва мураббийлар меҳнатини моддий ҳамда маънавий рағбатлантириш бўйича самарали тизимни янада ривожлантириш; - замонавий ахборот ва коммуникация технологиялари, рақамли ва кенг форматли телекоммуникация алоқа воситалари ҳамда "Интернет" тизимини янада ривожлантириш, уларни ҳар бир оила ҳаётига жорий этиш ва кенг ўзлаштириш; - ёш авлодни жисмонан баркамол этиб тарбиялаш, болалар спортини ривожлантириш соҳасида, ёшларни, айниқса, қишлоқ қизларини спорт билан мунтазам шуғулланишга кенг жалб этиш, янги спорт мажмуаларини, стадионлар ва иншоотларни қуриш, уларни замонавий спорт анжомлари ва жиҳозлари билан таъминлаш, юқори малакали устоз ва мураббийлар билан мустаҳкамлаш бўйича амалга оширилаётган ишларни изчил кучайтириш; - иқтисодиётни таркибий ўзгартиришнинг муҳим йўналиши, аҳоли ва ўрта синф мулкдорлари даромадларини шакллантириш асоси бўлган кичик бизнес ҳамда хусусий тадбиркорликни ривожлантиришни янада рағбатлантириш, бу соҳадаги мавжуд муаммоларни ҳал этиш, ёшлар, авваламбор, касб-ҳунар коллежлари ва олий таълим муассасалари битирувчиларини, айниқса, қишлоқ жойларда тадбиркорлик фаолиятига кенг жалб этиш учун шароитлар яратиш; - илм-фанни янада ривожлантириш, иқтидорли ва қобилиятли ёшларни илмий фаолиятга кенг жалб этиш, уларнинг ўз ижодий ва интеллектуал салоҳиятини рўёбга чиқариши учун шароитлар яратишга доир комплекс чора- тадбирларни ишлаб чиқиш; - ёш оилаларга ғамхўрлик қилиш ишларини кучайтириш, уларни ҳуқуқий ва ижтимоий муҳофаза қилишни таъминлаш, жисмонан ва ҳар томонлама ривожланган баркамол авлодни миллий ва умуминсоний қадриятлар ҳамда Ватанга муҳаббат руҳида тарбиялаш борасида жамиятнинг муҳим бўғини бўлган соғлом ва мустаҳкам оилани шакллантириш учун зарур шарт-шароитларни яратиш; - ёшлар ўртасида соғлом турмуш тарзини қарор топтириш, уларни ичкиликбозлик ва гиёҳвандлик иллатларидан, бошқа турли ҳалокатли таҳдидлар ҳамда биз учун ёт бўлган диний ва экстремистик таъсирлардан, тубан "оммавий маданият" хуружларидан ҳимоя қилишга доир комплекс чора-тадбирларни амалга ошириш. 3. «Баркамол авлод йили» дастурини амалга ошириш мақсадида вилоят комиссияси тузилсин ва унинг таркиби 2-иловага мувофиқ тасдиқлансин. Вилоят комиссияси аъзоларидан «Баркамол авлод йили» вилоят дастурининг асосий бўлимларини амалга ошириш бўйича 3-иловага мувофиқ таркибда Кенгаш ташкил этилсин. 4. Жойларда «Баркамол авлод йили» Давлат дастури чора-тадбирларини ўз вақтида ва самарали бажарилишини таъминлаш мақсадида вилоят комиссияси аъзолари таркибидан ҳар бир ҳудудга бириктирилган вилоят бошқарма, корхона раҳбарлари 4-иловага мувофиқ тасдиқлансин. 5. Вилоят комиссияси ва «Баркамол авлод йили» вилоят дастурини амалга ошириш бўйича кенгаш ҳамда ҳудудларга бириктирилган масъуллар зиммасига қуйидаги вазифалар юклатилсин: - бир ҳафта муддатда бошқармалар, идоралар, хўжалик бирлашмалари, шаҳар, туман ҳокимликлари томонидан ҳар бир идора, аҳоли пункти, туман ва шаҳар бўйича «Баркамол авлод йили» ҳудудий ва тармоқ дастурларининг ишлаб чиқилиши ва қабул қилинишини таъминлаш; - ҳудудий давлат бошқаруви органлари ҳамда жамоат ташкилотлари даражасида ушбу Дастурнинг бўлимлари ва бандларини тўлиқ ҳамда сўзсиз бажарилиши бўйича ишларнинг мувофиқлаштирилишини ташкил этиш, Дастурга киритилган тадбирларнинг амалга оширилиши устидан тизимли назорат ўрнатилишини таъминласинлар. 6. Ҳудудлар учун масъул бўлган раҳбарларга: - 2010 йилнинг 15 февралидан бошлаб, бириктирилган ҳудудларда Ўзбекистон Республикаси Президентининг Конституция кунига бағишланган тантанали йиғилишдаги маърузасидан келиб чиқиб, «Баркамол авлод йили» Давлат дастурида кўзда тутилган тадбирларнинг мазмун-моҳиятини тушунтириш, ҳудудий дастурларни ишлаб чиқиш ва белгиланган чора-тадбирларни бажарилиши юзасидан ишларни ташкил қилиш учун масъул раҳбарларга амалий ёрдам кўрсатиш; - ҳар ойда икки марта ўзлари бириктирилган ҳудудга бориб, қайд этилаётган камчиликлар юзасидан аниқ чора-тадбирлар белгилаб, амалга оширган ишлари тўғрисида вилоят ҳокими номига шахсан ёзма ахборот тақдим этиш; - 2010 йил давомида «Баркамол авлод йили» ҳудудий дастурининг бажарилишини таҳлил қилиб бориш, ортда қолишларни зудлик билан бартараф этиш чораларини кўриш, лозим бўлганда, дастур ижросини таъминлаш борасида ҳудудий бажарувчиларнинг масъулиятини ошириш тўғрисида вилоят комиссиясига таклифлар бериш; - «Баркамол авлод йили» вилоят дастури билан тасдиқланган топшириқларнинг бажарилиши тўғрисида ҳар ойнинг якуни бўйича вилоят ҳокимлигига ахборот тақдим этиш вазифалари топширилсин. 7. Шаҳар, туман ҳокимлари раислигида Дастурни амалга ошириш бўйича комиссиялар ташкил этиш мақсадга мувофиқ деб ҳисоблансин, уларга Дастурда белгиланган чора-тадбирларни бажариш ва уни тўлиқ амалга оширилиши устидан ҳар ойлик мониторинг ва қатъий назорат олиб бориш вазифалари топширилсин. 8. «Баркамол авлод йили» вилоят дастури бажарилишини таҳлил қилиш, мувофиқлаштириш ва натижаларини вилоят ҳамда Республика комиссиясига тақдим этиш мақсадида вилоят ҳокимлигида Мониторинг гуруҳи ташкил этилсин. Мониторинг гуруҳига Фарғона давлат университети, Фарғона политехника институти ва вилоят соғлиқни сақлаш бошқармаси ҳамда вилоят касаба уюшмалари бирлашмаси кенгаши биттадан ходимлар ажратсин ҳамда уларни жорий йилнинг 15 февралидан Мониторинг гуруҳига юборсин. Мониторинг гуруҳи таркибида фаолият кўрсатадиган ходимларнинг ойлик иш ҳақлари асосий иш жойларидан тўлаб борилиши белгилаб қўйилсин. 9. Вилоят ҳокимлиги ишлар бошқарувчиси (М.Рахмонов)га мониторинг гуруҳини алоҳида хона ва барча зарур жиҳозлар, инвентарь, шу жумладан компьютер техникалари, факс аппарати ҳамда канцелярия товарлари билан таъминлаш ишларини ҳал этсин. 10. Вилоят бошқарма, идора ва ташкилотлар раҳбарларига «Баркамол авлод йили» вилоят дастурини бажарилишини таъминлаш бўйича комиссиялар ташкил этиш ҳамда дастурни бажарилиши юзасидан ҳар ойда Мониторинг гуруҳига ахборот бериб борилишини таъминласинлар. 11. Вилоят телерадиокомпанияси (З.Султонов), "Фарғона ҳақиқати" газетаси таҳририяти (А.Ибодинов), бошқа маҳаллий оммавий ахборот воситалари: - аҳоли, айниқса, ёшлар ўртасида "Баркамол авлод йили" Давлат дастурининг мақсад ва вазифаларини кенг тушунтириш; - Дастурнинг амалга оширилиши тўғрисида мунтазам ахборот бериб бориш, давлат ва хўжалик бошқаруви органлари, жойлардаги давлат ҳокимияти органлари, жамоат ва нохукумат ташкилотларнинг Дастурда кўзда тутилган тадбирларни амалга ошириш бўйича қўшган амалий ҳиссасини ёритишни таъминласин. 12. Мазкур қарорнинг ижросини назорат қилишни ўз зиммамда қолдираман.
Фаргона вилоят хокими Х.Нематов
Вилоят ҳокимининг 2010 йил "12" февралдаги 50-сонли қарорига 2-илова
«Баркамол авлод йили» вилоят дастурини амалга ошириш бўйича вилоят комиссиясининг Т А Р К И Б И:
Изоҳ: Комиссия аъзолари бошқа ишга ўтганда, уларнинг ўрнига мазкур лавозимга янгидан тайинланган шахслар киритилади.
Вилоят ҳокимининг 2010 йил "12" февралдаги 50-сонли қарорига 3-илова
«Баркамол авлод йили» вилоят дастурининг асосий йўналишларини амалга ошириш бўйича Кенгаш Т А Р К И Б И:
Изоҳ: «Баркамол авлод йили» вилоят дастури йўналишлари бажарилишини таъминлаш юзасидан масъул раҳбарлар бошқа ишга ўтганда, уларнинг ўрнига мазкур лавозимга янгидан тайинланган шахслар киритилади. Вилоят ҳокимининг 2010 йил "12" февралдаги 50-сонли қарорига 4-илова
«Баркамол авлод йили» Давлат дастури чора-тадбирларини ўз вақтида ва самарали бажарилишини таъминлаш юзасидан ҳудудларга бириктирилган вилоят бошқарма, корхона, идора раҳбарлари РЎЙХАТИ:
Изоҳ: Ҳудудларга бириктирилган масъуллар бошқа ишга ўтганда, уларнинг ўрнига мазкур лавозимга янгидан тайинланган шахслар масъул ҳисобланади.
|
|
|
